ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު ފާރިސް މައުމޫން ދިރިއުޅުއްވާ އެޕާޓްމަންޓް ފާސް ކުރަމުންދާތާ ތިން ގަޑިއެއްހާ އިރު ފަހުން ފުލުހުން ފާރިސް ހައްޔަރުކޮށްފި އެވެ.
ފާރިސް މިއަދު ހައްޔަރުކޮށްފައި މި ވަނީ އިދިކޮޅު ފަރާތްތައް ގުޅިގެން ފަށާފައިވާ އިސްލާހީ މަސައްކަތުގެ ތެރެއިން ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތް ކަމުގެ މައްސަލަ 45 މެމްބަރުންގެ ސޮޔާ އެކު މަޖިލީހަށް ހުށަހަޅާއި މި މަހުގެ 24 ވަނަ ދުވަހަށް އެ މައްސަލަ ތާވަލު ވެސްކޮށްފައި ވަނިކޮށެވެ.
އިދިކޮޅު ފަރާތްތަކުން ބުނަމުން އަންނަނީ މެމްބަރުން ހައްޔަރު ކުރުމުގެ ރޭވުންތަކެއް ސަރުކާރުން ކުރަމުން އަންނަ ކަމަށާއި ފާރިސް ހައްޔަރު ކުރީ އޭގެ ދަށުން ކަމަށެވެ.
އަދި މިއީ މަސީހުގެ އިތުބާރުގެ ވޯޓަށް ސަރުކާރުން ނުފޫޒު ފޯރުވަން ކުރާ މަސައްކަތްތަކެއް ކކަމަށް އަންނަނީ ބުނަމުންނެވެ.
ދައުލަތުން ދަނީ ފާރިސްގެ މައްޗަށް ތަފާތު ތުހުމަތުތައްކޮށް، ދައުވާ ވެސް ކުރަމުންނެވެ.