އައްޑޫގައި ރަނގަޅު ފެންވަރަކަށް ބާބަކިއު، ޕާޓީ އަދި ޕިކްނިކް ފަދަ ހަރަކާތްތައް ބޭއްވޭނެ ވަސީލަތްތަކެއް ގާއިމު ކުރުމަށް އައްޑޫ ސިޓީ ކައުންސިލުން ނިންމަައި، އެ ތަންތަން ޑިޒައިންކޮށް ދޭނެ ފަރާތެއް ހޯދަން އަނެއްކާ ވެސް އިއުލާންކޮށްފި އެވެ.
މި މަސައްކަތް ކުރާނެ ބަޔަކު ހޯދަން ކައުންސިލުން އެންމެ ފުރަތަމަ އިއުލާން ކުރީ މިދިޔަ އެޕްރީލް މަހުގެ ތެރޭގަ އެވެ.
އެހެން ނަމަވެސް އެ ފަހަރު މުއްދަތު ހަމަވި އިރު އެކަށީގެންވާ ތަރުހީބެއް ލިބަފައި ނުވާތީ އަލުން އިއުލާން ކުރީ އެވެ. މި ފަހަރު ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ވަނީ އަންނަ މަހުގެ 8 ވަނަ ދުވަހާ ހަމައަށް ހުޅުވާލައިފައިވާ ކަަމަށެވެ.
މިކަމާ ބެހޭ ގޮތުން މައުލޫމާތު ދިނުން އަންނަ އަންނަ މަހުގެ އެއް ވަނަ ދުވަހު ހެނދުނު 11:00 ގައި ކައުންސިލް އިދާރާގައި އޮންނާނެ އެވެ.
ކައުންސިލުން ބުނީ މަޢުލޫމާތު ސާފު ކުރަން ނުދާ ފަރާތްތަކުގެ ޕްރޮޕޯސަލްތައް ބަލައި ނުގަންނާނެ ކަމަށެވެ.
އައްޑޫގައި ޕިކްނިކް އޭރިއާތަކެއް ހަދަން މީގެ ކުރިން ވެސް ކައުންސިލުން މަސައްކަތްކޮށްފައިވެ އެވެ. އެކަމަކު މިހާތަނަށް އެކަން ކާމިޔާބުވެފައެއް ނުވެ އެވެ.
އެެގެން ނަމަވެސް ދަތުރު ގޮސް އުޅޭނެ ރަައްކާތެރި ސަރަހައްދެއްގެ މުހިއްމުކަން އައްޑޫ ރައްޔިތުންނަށް ވަރަށް ބޮޑުކަން ފާހަގަކޮށްލެވެ އެވެ.