ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މަރަދޫން ކުއްޔަށް ދޭ އިމާރާތެއް ހޯދަން އިއުލާންކޮށްފި އެވެ.
އެތަނުން ނެރުނު އިއުލާނެއްގައި ބުނީ އިމާރާތެއް ކުއްޔަށް ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަަތު މި މަހުގެ 24 ވަނަ ދުވަހާ ހަމައަށް ވަނީ ހުޅުވާލައިފަ އެވެ.
މިކަމަށް އެދޭ މަޢުލޫމާތު ޝީޓާއި އެހެނިހެން މަޢުލޫމާތު މި ޑިޕާޓްމަންޓްގެ ވެބްސައިޓް www.judiciary.gov.mv ގެ ނޯޓިސްބޯޑުންނާއި، މަރަދޫ މެޖިސްޓްރޭޓް ކޯޓް އަދި މަރަދޫފޭދޫ މެޖިސްޓްރޭޓް ކޯޓުން ލިބެން ހުންނާނެ އެވެ.
ޑީޖޭއޭ އިން މަރަދޫން ކުއްޔަށް އިމާރާތެއް ހޯދާ ސަބަބެއް ހާމަކޮށްފައި ނުވި ނަމަވެސް، އެެނގިފައިވާ ގޮތުގައި އިމާރާތެއް ހޯދަނީ މަރަދޫ މެޖިސްޓްރޭޓް ކޯޓް ހިންގުމަށެވެ.
އެ އަވަށު ކޯޓް މިހާރު ހިންގަމުން އަންނަނީ މަރަދޫފޭދޫ މެޖިސްޓްރޭޓް ކޯޓްގަ އެވެ.
އެއީ ފެބްރުއަރީ 8، 2012 ގައި މަރަދޫގައި ކޯޓްގައި ހުޅު ޖަހައި އަންދާލުމާ ގުޅިގެންނެވެ.
އެ ހާދިސާގައި ފޭދޫ މެޖިސްޓްރޭޓް ކޯޓް ވެސް އަންދާލުމުން ދުވަސްތަކެއް ވަންދެން، ފޭދޫ ކޯޓް ވެސް ވަނީ މަރަދޫފޭދޫ ކޯޓްގައި ހިންގައިފަ އެވެ.
އެހެން ނަމަވެސް ފޭދޫ ކޯޓް ފޭދޫގެ ކުލީ އިމާރާތަކަށް 2014 ވަނީ ބަދަލުކޮށްފަ އެވެ.