މަޖިލީހުގެ ޖަލްސާތައް މެދުކަނޑާލާފައިވާ ކަމަށާއި ދެން މަޖިލީހުގެ ޖަލްސާއެއް އޮންނާނީ މި މަހު 31 ވަނަ ދުވަހު ކަމަށް މަޖިލީހުގެ އިދާރާއިން ބުނެފި އެވެ.
އެ އިދާރާއިން ބުނީ މަޖިލީހުގެ ޖަަލްސާއެއް ދެން އޮންނާނީ މި މަހު 31 ވާ ހޯމަ ދުވަހު ކަމަށާއި މިއަދުން ފެށިގެން މި މަހުގެ 31 ހާ ހަމަޔަށް މަޖިލީހުގެ ޖަލްސާއެއް އަދި ކޮމެޓީ ބައްދަލުވުމެއް ވެސް ނޯންނާނެ ކަމަށެވެ.
މިގޮތަށް ނިންމާފައި މި ވަނީ މާދަމާ ޖަލްސާއެއް ބާއްވަން ކުރިން އެޖެންޑާ ވެސްކޮށްފައި ވަނިކޮށެވެ.
މަޖިލީހުގެ އިދާރާ އިން ބުނީ ޖަލްސާތައް މެދުކަނޑާލޫ މިނިވަން ދުވަހުގެ ހާއްސަ ޕްރޮގްރާމްތަކާއި ސެކިއުރިޓީ ކަންކަމުގެ މައްޗަށް ރިއާޔަށް ކޮށް ކަމަށެވެ.
ދެން ޖަލްސާތައް ފަށާ ދުވަހަށް އި އެޖެންޑާކޮށްފައި ވަނީ ކިނބިދޫ ދާއިރާގެ މެންބަރު އަބުދުﷲ ރިޔާޒް، ތ. ކަނޑޫދޫގެ ތޮށިލުމުގެ މަސައްކަތާ ބެހޭ ގޮތުން އެންވަޔަރަންމަންޓް މިނިސްޓަރު ތޯރިގު އިބްރާހީމާ ސުވާލު ކުރުމަށެވެ.
މަޖިލީހުގެ ޖަލްސާތައް މެދުކަނޑާލިކަން އިއުލާން ކުރި އިރު އިދިކޮޅު ފަރާތްތަކުން މާދަމާ މަޖިލީހުގެ ރައީސް އަބުދުﷲ މަސީހު އަހުމަދުގެ އިތުބާރު ނެތް މައްސަލައިގެ ވޯޓް ނަގާނެ ކަމަށް ބުނެ، ގިނަ ބަޔަކު މަޖިލިސް ކައިރި އަށް އެއްވުމަށް ވަނީ ގޮވާލައިފަ އެވެ.