ސަރުކާރުގެ ނުފޫޒުގެ ދަށުގައި "ތާށިވެފައިވާ" ކަމަށް ގިނަ ބަޔަކު ގަބޫލު ކުރާ މޯލްޑިވްސް ބްރޯޑްކާސްޓިން ކޮމިޝަންގެ މެމްބަރުންނަށް ހެލްތު އިންޝޫރަންސް ދޭނެ ބަޔަކު ހޯދަން އިއުލާންކޮށްފި އެވެ.
އެ ކޮމިޝަންގެ ނެރުނު އިއުލާނެއްގައި ބުނީ މެންބަރުންނާއި އެ މެންބަރުންގެ އަނބިއަނބިކަނބަލުންނާއި ފިރިކަލުންނާއި އަދި އުމުރުން 18 އަހަރު ނުފުރޭ ދަރީންނަށް އޮގަސްޓް، 15، 2017 އިން ފެށިގެން އެއް އަހަރު ދުވަހަށް ހެލްތު އިންޝުއަރެންސްގެ ޚިދުމަތް ފޯރުކޮށް ދޭނެ ފަރާތެއް ބޭނުންވާ ކަމަށެވެ.
ބްރޯޑްކޮމްގެ މެމްބަރުންގެ އަދަދަކީ ހަތަކެވެ. އަދި އެ މެމްބަރުންގެ ބެލުމުގެ ދަށުގައިވާ މީހުންގެ އަދަދަކީ 13 އެވެ.
އެހެންވެ ޝައުގުވެރިވާ ފަރާތްތަކަށް ވަނީ އަންނަ މަހުގެ 3 ވަނަ ދުވަހާ ހަމައަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފަ އެވެ.