މިއަދު ފާހަގަ ކުރާ މިނިވަން ދުވަހާ ގުޅިގެން ދިރާގުން "މިނިވަން ޑޭޓާ ޕެކް"ގެ ނަމުގައި ހާއްސަ ޕްރޮމޯޝަނެއް ތައާރަފްކޮށްފި އެވެ.
އެ ކުންފުނިން ނެރުނު ނޫސްބަޔާނެއްގައި ބުނީ އެ ޕްރޮމޯޝަނުގެ ދަށުން ގަންނަ ޑޭޓާ ޕެކް ދެގުނަ އަށް ބޮޑުކޮށް ލިބޭނެ ކަމަށެވެ. އެ ޑޭޓާ ޕްލޭންތައް އެކްޓިވޭޓް ކުރާ ދުވަހުން ފެށިގެން މަސް ދުވަހަށް ކުރެވޭނެ ކަމަށް ވެސް ދިރާގުން ބުންޏެވެ.
އެހެން ނަމަވެސް އެ ޕްރޮމޯޝަން ކުރިއަށް ދާނީ މިއަދުން ފެށިގެން އަންނަ ހޮނިހިރު ދުވަހުގެ ނިޔަލަށެވެ.
އެ ޕްރޮމޯޝަންގެ ދަށުން ކުރިން 99ރ. އަށް ލިބުނު 500 އެމްބީގެ ބަދަލުގައި މިހާރު އެއް ޖީބީގޭ ޑޭޓާ ލިބޭނެ އެވެ. އަދި ކުރިން 199ރ. އަށް ލިބުނު ދެ ޖީބީގެ ބަދަލުގައި މިހާރު ހަތަރު ޖީބީ ލިބޭނެ އެވެ. މީގެ އިތުރުން ކުރިން 249ރ. އަށް ލިބުނު ތިން ޖީބީގެ ބަދަލުގައި މިހާރު ހަ ޖީބީ ލިބޭނެ އެވެ.
ދިރާގުގެ އެ ޑޭޓާ ޕްލޭންތައް އެކްޓިވޭޓް ކުރެވޭނީ #8123 އަށް ގުޅައިގެންނެވެ.
މި ޕްރޮމޯޝަނުގައި އެ ކުންފުނީގެ މޯބައިލް ޕްރީޕެއިޑާއި ޕޯސްޓްޕެއިޑް ކަސްޓަމަރުންނަށް ވެސް ޑޭޓާ ޕްލޭންތައް އެކްޓިވޭޓް ކުރެވޭނެ ކަމަށެވެ.