ދުނިޔޭގެ އެންމެ މުއްސަނދި މީހާގެ ލަގަބު ދަމަހައްޓަމުން އައި މައިކްރޯސޮޕްޓްގެ ވެރިޔާ ބިލް ގޭޓްސް ފަހަތަށް ޖައްސާލުމަށް ފަހު ދުނިޔޭގެ އެންމެ މުއްސަނދި މީހާގެ ލަގަބު އެމެޒޯންގެ ސީއީއޯ ޖެފް ބެޒޮސް އަށް ލިބިއްޖެ އެވެ.
ފޯބްސް އިން ބުނެފައިވާ ގޮތުހައި ޖެފް، 53، ގެ މިލްކިއްޔާތު 90.6 ބިލިއަން ޑޮލަރަށް އަރާ އިރު، ގޭޓްސްގެ މިލްކިއްޔާތުގައި މިހާރު ހުރީ 90 ބިލިއަން ޑޮލަރެވެ.
އެމެޒޯންގައި ޖެފްގެ 17 ޕަސެންޓް ހިއްސާ އޮންނަ އިރު އޭނާއަކީ އެހެން ވިޔަފާރިތައް ވެސް އަމިއްލަ އަށް ހިންގާ މީހެއް ކަމަށް މީޑިއާ ރިޕޯޓްތައް ބުނެ އެވެ.
އޭގެ ތެރޭގައި ވޮޝިންޓަން ޕޯސްޓްގެ ހިއްސާ އާއި ރޮކެޓް ކުންފުނި ބްލޫ އޮރިޖިން ހިމެނެ އެވެ.
އެންމެ މުއްސަނދި މީހުންގެ ލިސްޓްގެ ދެވަނަ އަށް ވަނާގައި ގޭޓްސް ވެއްޓިފައިވާ އިރު ތިން ވަނާގައި އުޅެނީ ސްޕޭންގެ ބިލިޔަނަރު އަމާންސިއޯ އޯޓޭގާ އެވެ. އޭނާއަކީ މަޝްހޫރު ފެޝަންލައިން ޒާރާގެ ފައުންޑަރެވެ.