ރާއްޖޭގެ ބާޒާރުގައި އާންމުކޮށް ވިއްކާ ޖެކް އެންޑް ޖިލް ބްރޭންޑްގެ ޗޮކްލެޓް "ކްލައުޑް 9" ކެއުން މަނާކޮށްފި އެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ނެރުނު ބަޔާނެއްގައި ބުނީ ބެޗް ނަމްބަރު EXP 14.5.2018 BB ޗޮކްލެޓުގެ ޕެކެޓެއްގެ ތެރެއިން މަރުވެފައިވާ ސުއިޕެއް ފެނިފައިވާ ކަމަށެވެ.
އެެހެންވެ އެ ބެޗުގެ ކްލައުޑް9 ނުވިއްކުމަށް އެމްއެފްޑީއޭއިން ވަނީ ފިހާރަތަކަށް އަންގައިފަ އެވެ.
އެމްއެފްޑީއޭގެ ބަޔާނުގައި އަދި ބުނީ މަރުވެފައިވާ ސޫފި ފެނުނު ބެޗް ފިހާރަތަކުން ނަގަން ވެސް ނިންމާފައިވާ ކަމަށެވެ. އަދި އެ އުފެއްދުމުގެ ރައްކާތެރިކަން ކަށަވަރު ކުރުމަށްޓަކައި ތަފާތު ބެޗުތަކުން ސާމްޕަލް ނަގައި އިތުރަށް ޗެކުކުރަމުން އަންނަ ކަމަށެވެ.
ފިހާރަތަކުގައި އެ ބެޗުގެ ޗޮކްލްޓު ހުރި ނަމަ ރަސްމީ ގަޑީގައި އެ އިދާރާ އަށް ގުޅައިގެން ރިޕޯޓު ކުރަން ވެސް އެމްއެފްޑީއޭ އިން ވަނީ އެދިފަ އެވެ. އެމްއެފްޑީއޭގެ ނަމްބަރަކީ 3014304 އެވެ.