އައްޑޫގެ މިސްކިތްތައް ފޮޅައި ސާފު ކުރުމުގެ އިތުރު ބައެއް މަރާމާތުތައް ވެސް ކުރުމާ އެކު، ގަބުރުސްތާންތަކުގެ ވިނަ ނޮޅައި ކުނި ކަހާނެ ބަޔަކު ހޯދަން އިސްލާމިކް މިނިސްޓްރީން އިއުލާންކޮށްފި އެވެ.
އެ މިނިސްޓްރީން ބުނީ މި މަސައްކަތްކޮށް ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު އަންނަ މަހުގެ 10 ވަނަ ދުވަހާ ހަމައަށް ހުޅުވާލާފައިވާ ކަމަށެވެ.
މިކަމާ ބެހޭ ގޮތުން މައުލޫމާތު ދިނުން އައްޑޫ ސިޓީ ކައުންސިލް އިދާރާގައި ހުންނަ އިސްލާމިކް މިނިސްޓްރީގެ ޔުނިޓުން އަންނަ މަހުގެ ހަ ވަނަ ދުވަހު މެންދުރު ފަހު 1:00 ގައި އޮންނާނެ އެވެ.
މިނިސްޓްރީން އިތުރު މައުލޫމާތު ބޭނުންވާ ނަމަ 6880868 ނުވަތަ 3020261 ގުޅައިގެން ސާފުކޮށްލެވޭނެ ކަމަށެވެ.
އައްޑޫގެ މިސްކިތްތަކާއި ގަބުރުސްތާންތައް ސާފުކޮށް ބަލަހައްޓާނެ ބަޔަކު ހޯދަން އިސްލާމިކް މިނިސްޓްރީން އިއުލާން ކުރި އިރު، މި މަސައްކަތް އެއް އަހަރު ދުވަހުގެ މުއްދަތަށް ކުރަން އެމްއާރްޑީސީއާ މިނިސްޓްރީން ވަނީ އެޕްރީލް 13، 2017 ގައި ހަވާލުކޮށްފަ އެވެ.
އެގޮތުން އައްޑޫގެ 39 މިސްކިތަކާއި ހަ ގަބުރުސްތާން އެ ކުންފުންޏާ ހަވާލުކޮށްފައިވެ އެވެ.