ހިތަދޫގެ ސީއައުޓްފޯލް ބީލަމަށް ހުޅުވާލައިފި

ހިތަދޫގެ ނަރުދަމާގެ މަސައްކަތް ހަވާލުކޮށްފައިވާ އެމްޑަބްލިއުއެސްސީން އެ އަވަށުގައި ސީއައުޓްފޯލް އަޅައި ދޭނެ ބަޔަކު ހޯދަން ބިޑަށް ހުޅުވާލައިފި އެވެ.

އެ ކުންފުނިން ބުނީ އެތަނުން ދޭ މައުލޫމާތާ އެއްގޮތަށް ގެ މަސައްކަތް ކޮށްދޭން ޝައުގުވެރިވާ ފަރާތްތަަކަށް ބިޑް ހުށަހެޅުމުގެ ފުރުސަތު މި މަހުގެ 21 ވަނަ ދުވަހާ ހަމައަށް ހުޅުވާލާފައިވާ ކަމަށެވެ.

އެމްޑަބްލިއުއެސްސީން ބުނީ ބީލަމުގައި ބައިވެރިވެވޭނީ ބީލަމުގައި ބައިވެރިވާ ފައިސާ ދައްކާ ފަރާތްތަކަށް އެކަނި ކަމަށެވެ.

ބީލަން ފޮތުގެ އަގަކީ200.00ރ އެވެ. ބީލަން ފޮތްތަކަށް ފައިސާ ބަލައިގަތުން އޮންނާނީ މި މަހުގެ އަށް ވަނަ ދުވަހާ ހަމައަށް ހެނދުނު 10:00 އިން މެންދުރު ފަހު 03:00 އަށް އެމްޑަބްލިޔުއެސްސީ (ފެން ބިލްޑިންގ، ދެވަނަ ފަންގިފިލާ) ގަ ވެ.

މި މަސައްތުގެ ޕްރީބިޑް މީޓިން އޮންނާނީ މި މަހުގެ 14 ވަނަ ހެނދުނު 11:00 ގައެވެ. އަދި ބިޑް ހުށައަޅަން ހަމަޖެހިފައިވާ ތާރީޚަކީ މި މަހުގެ 21 ވަނަ ދުވަހު 11:30 އެވެ.

ބިޑް ސެކިއުރިޓީގެ ގޮތުގައި ބިޑް ހުށައަޅާ އިރު 10،000ރ ގެ ބިޑް ސެކިއުރިޓީ ހުށަހަޅަން ޖެހެ އެވެ.

ބިޑް ސެކިއުރިޓީގެ ގޮތުގައި ބަލައިގަނެވޭނީ ބޭންކް ގެރެންޓީ ޗެކް ނުވަތަ ބޭންކް ގެރެންޓީ ލެޓައެވެ. ބިޑް އެވާޑްކުރެވޭ ފަރާތުން ޕާރފޯމަންސް ގެރެންޓީގެ ގޮތުގައި ބިޑްކުރި އަދަދުގެ 10 ޕަސަންޓް ބިޑް އެވޯރޑް ކުރެވޭތާ 14 ދުވަސްތެރޭގައި ހުށައަޅަން ޖެހެ އެވެ.