ހިތަދޫގެ ސްކޫލްގެ ޕީޓީއޭ އިން އިންތިޒާމްކޮށްގެން ބާއްވާ ފަންޑް ރައިޒިން އިވެންޓް މާދަމާ ބާއްވާ ގޮތަށް ހަމަޖައްސައިފި އެވެ.
މި ޕްރޮގްރާމް ކުރިއަށް ދާނީ މާދަމާ މެންދުރު ފަހު 2:30-6:00 އަށް އަދި ރޭގަނޑު 8:00-10:00 އަށެވެ.
ހިތަދޫ ސްކޫލްގައި ކުރިއަށްދާ ޕްރޮގްރާމްތަކުގެ ތެރޭގައި ތަފާތު ހަރަކާތްތައް ހިންގާނެ އެވެ. އޭގެ ތެރޭގައި ސޭލަކާ އެކު ބިރުވެރި ހޮހޮޅަ، ޒޫ، ކޭކް ޑެކަރޭޝަން، ދިވެހި ކެއުން، ބާބަކިއު، ކޭންޑީ ލޭންޑް އަދި ގޭމް ސެންޓަރާއި ބީޗް ގޭމްސް ވެސް ހިމެނެ އެވެ.
ފަންޑް ރައިޒިން އިވެންޓަށް ވަދެވޭނީ 3ރ، ގެ ޓިކެޓެއް ގަނެގެންނެވެ.
ޕީޓީއޭ އިން ބުނީ ފަންޑް ރައިޒިން ޕްރޮގްރާމްގެ ބޭނުމަކީ ސްކޫލްގައި ހިންގާ އެކިއެކި ހަރަކާތްތަކަށް ބޭނުންވާ ފައިސާ ހޯދުމެވެ.