އައްޑޫގެ މަގުތައް ހެދުމަށްޓަކައި މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) އިން މެޝިނަރީޒްތަކާއި ވެހިކަލްތައް އައްޑު އަށް ގެނެސްފި އެވެ.
އައްޑު އަށް ގެންދިޔަ މެޝިނަރީތަކުގެ ތެރޭގައި ކްރޭނާއި ފޯކް ލިފްޓާއި އެކްސްކަރޭޓަރު ފަދަ މެޝިނަރީސްތައް ހިމެނެ އެވެ.
މިކަމާ ބެހޭ ގޮތުން ރައްޔިތުންގެ މަޖިލީހުގެ ފޭދޫ ދާއިރާގެ ޕީޕީއެމް މެމްބަރު މެމްބަރު އިބްރާހީމްދީދީ (އައިބީ) ޓީވީއެމަށް ވިދާޅުވީ އައްޑޫ ބޮޑެތި ރަށްތައް ފިޔަވައި ހުޅުމީދު އަށް ވެސް ވަރަށް އަވަހަށް މި މެޝިނަރީސްތައް ގެންނާނެ ކަމަށެވެ.
vehicles unload kurumuge therein #addu city #development #team MRDC pic.twitter.com/rlkwBe5kd0
— MRDC (@MRDCmv) August 11, 2017
މީގެ އިތުރަށް ވެސް އައްޑު އަށް އިތުރު ވެހިކަލްތަކެއް ގެންނާނެ ކަމަށާއި އަންނަ މަހުގެ ތެރޭގައި އެ ވެހިކަލްތައް އައްޑު އަށް ގެންދާނެ ކަމަށް އެމްއާރޑީސީން ވެސް ބުންޏެވެ.
އެ ކުންފުނިން އައްޑު އަށް މެޝިނަރީތަކާއި ވެހިކަލްތައް އަލުން ގެންނަން ފަށާފައި މި ވަނީ އައްޑޫގައި ހުރި ބައެއް މެޝިނަރީތައް ދާދި ފަހުން ގެންދިއުމަށް ފަހު އެވެ.