ރާއްޖެ ޓީވީ އާއި ސްރީ ލަންކާގެ މެޓްރޮޕޮލިޓަން ކޮލެޖްގެ ސްކޮލަޝިޕް ޕްރޮގްރާމަށް ހޮވުނު ހަ ދަރިވަރަކަށް ސްކޮލަޝިފް ހަވާލުކޮށްފި އެވެ.
ދަރިވަރުންނަށް މިއަދު ސްކޮލަޝިޕްތައް ހަވާލުކޮށް ދެއްވީ މެޓްރޯޕޮލިޓަން ކޮލެޖްގެ ޗެއާމަން ޑރ. މުހައްމަދު ސިރާޒް މީރަސާހިބް އެވެ.
ރާއްޖެޓީވީގެ ޗީފް ޕަރޭޓިން އޮފިސަރު (ސީއީއޯ) ހުސެއިން ފިޔާޒް މޫސާ ވިދާޅުވީ މެޓްރޮޕޮލިޓަން ކޮލެޖާ ގުޅިގެން ދިވެހި ރައްޔިތުންނަށް މިކަހަލަ ފުރުސަތެއް ހުޅުވާލެވިގެން ދިޔުމަކީ ކުރިއެރުމެއް ކަމަށެވެ.
އޭނާ ވިދާޅުވީ ރާއްޖެ ޓީވީގެ މަގުސަދަކީ ހަމައެކަނި ހަބަރާއި މައުލޫމާތު ފެތުރުން ނޫން ކަމަށާއި ޒުވާން ސިކުނޑިތައް ތަރައްޤީ ކުރުމުގައި އެ ޗެނަލް މުހައްމަދު ދައުރެއް އަދާ ކުރާނެ ކަމަށެވެ.
ސްކޯލަޝިފްގައި ފަސް ދަރިވަރަކަށް ވަނީ 60 ޕަސަންޓެގެ ޑިސްކައުންޓާ އެކު ސްކޮލަޝިޕް ލިބިފައެވެ. އަދި އެއް ދަރިވަރަކަށް ވަނީ ފުލް ސްކޮލަޝިޕް ލިބިފަ އެވެ.
ސްކޮލަޕޝިޕް ލިބުނު ދަރިވަރުންނަކީ ފާތިމަތު ގަނިއްޔާ އަބްދުއް ރަހީމް އާއި މަލާހަތް މުހައްމަދާއި މަރިޔަމް ނަޝާތު ހަނީފް އާއި ޝަފާ ސޮދުރީ އާއި ޒަޔާނާ އަހްމަދަށެވެ. ފުލް ސްކޮލަޝިޕް ލިބިފައި ވަނީ ފާތިމަތު ހައުނާ އެވެ.