ދެހާސް އެއް ވަނަ އަހަރު ރިލީޒް ކުރި ކަރަން ޖޯހަރްގެ ފިލްމް "ކަބީ ހުޝީ ކަބީ ޢަމް" ގައި ކަރީނާ ކަޕޫރްގެ ކުޑައިރުގެ ރޯލް ކުޅުނު، މަލްވިކާ ރާޖް ލީޑިން ބަތަލާއެއްގެ ގޮތުގައި ބޮލީވުޑަށް ނިކުންނަން ތައްޔާރުވެއްޖެ އެވެ.
އޭނާގެ ފުރަތަމަ ފިލްމަކީ އިމްރާން ހާޝިމީއާ އެކު ކުޅޭ "ކެޕްޓަން ނަވާބް" އެވެ. މި ފިލްމްގައި އިމްރާން ކުޅެނީ ސިފައިންގެ މީހެއްގެ ރޯލެކެވެ.
ފިލްމުގެ ޑައިރެކްޓަރަކީ އިމްރާން ކުޅުނު "އަޒްހަރް" ގެ ޑައިރެކްޓަރު ޓޯނީ ޑި ސޫޒާ އެވެ.
މަލްވިކާ،23، ގެ ލޯންޗިންއާ ބެހޭ ގޮތުން ޓޯނީ ބުނީ "ކެޕްޓަން ނަވާބް" ގެ ބަތަލާގެ ރޯލަށް މަލްވިކާ ނެގީ އޮޑިޝަނަކަށް ފަހު ކަމަށެވެ.
"މަލްވިކާ ބޮލީވުޑަށް ލޯންޗް ކުރުމަކީ ލިބޭ ވަރަށް ބޮޑު އުފަލެއް. އޭނަ މި ފިލްމަށް ގެނެވުނީތީ ވަރަށް ހިތްހަމަޖެހިފައި މި ހުރީ،" އޭނާ ބުންޏެެވެ.