ރައްޔިތުންގެ މަޖިލިހުގެ ނާއިބް ރައީސް އަދި ދާދި ފަހުން ޕީޕީއެމާ ގުޅިވަޑައިގަތް ރީކޯމޫސާ މަނިކާއި ޕީޕީއެމްގެ ނާއިބްރައީސް އަބްދުއްރަހީމްގެ އިތުރުން ހުޅުދޫ ދާއިރާގެ މެމްބަރު މުހައްމަދު ޝާހިދު (ޝާޑް) ހިމެނޭ ގޮތަށް ޕީޕީއެމްގެ ޓީމެއް މިއަދު ހުޅުދު އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
އެނގިފައިވާ ގޮތުގައި ޕީޕީއެމްގެ ޓީމް އައްޑު އަށް ވަޑައިގަންނަވާނީ މިއަދު ހަވީރު 3:45 ގަ އެވެ.
މި ޓީމްގެ ދަތުރުގެ ތެރޭގައި މީދޫގައި ޕީޕީއެމްގެ ރަސްމީ އޮފީހެއް ހުޅުވުމަށް ހަމަޖެހިފައިވާ އިރު މިރޭ މީދޫގައި ކުރިން ބޭނުންކޮށްފައިވާ ޕީޕީއެމްގެ ޖަހަގަ އަލުން އަލުން ހުޅުވާ ގޮތަށް ވެސް ވަނީ ހަމަޖެހިފަ އެވެ.
މީދޫ ޕީޕީއެމް ޖަގަހަ ހުޅުވުމަށް ބާއްވާ ރަސްމިއްޔާތަށް ފަހު ހުޅުދު އާއި މީދޫގެ ސަޕޯޓަރުންނާ އެކު ޕީޕީއެމްގެ ޓީމުން ބާއްވާ ވަރަށް ޚާއްސަ ބައްދަލުވުމެއް ވެސް މިރޭ 8:30 ގައި އޮންނާނެ އެވެ.
ޕީޕީއެމްގެ ޓީމަށް މަރުހަބާ ކިޔުން ހުޅުދޫ ބަނދަރުމަތީގައި ބާއްވާ އިރު، ހަވީރު ވެހިކަލް ބުރެއް ވެސް ބާއްވަން ވަނީ ހަމަޖެހިފަ އެވެ.