މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ގެ ސެނަހިޔާ ހޮސްޕިޓަލްގައި ލޭ ހަދިޔާ ކުރުމުގެ ޕްރޮގްރާމެއް ފަށައިފި އެވެ.
ދުނިޔޭގެ ޒުވާނުންގެ ދުވަސް ފާހަގަކުރުމުގެ ގޮތުން މިއަދު ފެށި މި ޕްރޮގްރާމަކީ ޒުވާނުން ކުރިއެރުވުމުގެ މަޤްސަދުގައި ރާއްޖޭގައި ހިލޭ ސާބަހަށް މަސައްކަތް ކުރާ ޖަމިއްޔާއެއް ކަމަށްވާ ރީޖަނަލް އެލަޔަންސް ފޯ ފޮސްޓަރިންގ ޔޫތު (ރަފީ) އެންޖީއޯ ގެ އިސްނެގުމެކެވެ.
މި ޕްރޮގްރާމް ކުރިއަށް ގެންދަނީ ރަފީ އެންޖީއޯ އާއި ސެނެހިޔާ ހޮސްޕިޓަލާއި މޯލްޑިވްސް ބްލަޑް ސަރވިސް އާއި ގުޅިގެން ކުރިއަށް ގެންދާ ކެމްޕެއިނެކެވެ.
މި ޕްރޮގްރާމްގެ މައިގަނޑު މަޤްސަދަކީ ތެލެސީމިއާ ކުދިންނާއި ލޭ ހޯދުމުގައި ދަތިތަކާ ކުރިމަތިވާ ފަރާތްތަކަށް އެހީތެރިކަން ފޯރުކޮށްދިނުމެވެ. މީގެ އިތުރުން ލޭ ހަދިޔާ ކުރުމާއި ބެހޭ ގޮތުން ހޭލުންތެރި ކުރުމުގެ މަޢުލޫމާތު ވެސް މި ޕްރޮގްރާްގެ ތެރެއިން ފޯރުކޮށްދޭނެ އެވެ.
ވީހާވެސް ގިނަ ފަރާތްތަކަކުން މި ޕްރޮގްރާމްގައި ބައިވެރިވެ، މިރޭ 21:00 އާއި ހަމައަށް ސެނަހިޔާ ހޮސްޕިޓަލަށް ދުރުވެ ލޭ ހަދިޔާ ކުރުމަށް މި ކެމްޕެއިން ރާވާ ހިންގާ ފަރާތްތަކުން އެދެއެވެ.