މަސްވެރިންނަށް ދިމާވެފައި ހުރި މައްސަލަތައް ހައްލު ކުރުމަށް މަސައްކަތްތަކެއް ފަށްޓަވާފައިވާ ކަމަށް ފިޝަރީޒް އެންޑް މިނިސްޓަރު ޑރ. މުހައްމަދު ޝައިނީ ވިދާޅުވެއްޖެ އެވެ.
އޭނާ ވިދާޅުވީ މި މަސައްކަތުގެ ތެރެއިން މަސްވެރިންނަށް މަސް ކިރުވުމުގައި ދިމާވާ މައްސަލަތައް ހައްލު ކުރުމުގެ ހާއްސަ މަސައްކަތްތަކެއް މިހާރު ކުރަމުން ގެންދާ ކަމަށެވެ. އަދި ރާއްޖޭގެ އެކި ރަށްރަށުގައި ހުރި އައިސްޕްލާންޓްތައް މަރާމާތުކޮށް އެ ޕްލާންޓްތަކުން އައިސް ލިބޭނެ އިންތިޒާމް ހަމަޖެއްސުމަށް މަސައްކަތް ކުރަމުން އަންނަ ކަމަށް ވެސް މިނިސްޓަރ ވިދާޅުވި އެވެ.
މަސްވެރިކަން ތަރައްގީ ކުރަމުން އަންނަ މަސައްކަތްތަކުގެ ދަށުން ރާއްޖޭގެ ހަތަރު ސަރަހައްދެއްގައި މަސް ބަންދު ކުރާ ކާރުޚާނާތަކެއް ޤާއިމް ކުރުމުގެ މަސައްކަތް މިހާރު އަންނަނީ ކުރަމުންނެވެ.
ރާއްޖޭގެ 25 ރަށެއްގައި މިހާރު ވެސް އައިސްޕްލާންޓް ވަނީ ބަހައްޓައިފައެވެ. މި އައިސްޕްލާންޓް ކުން ކޮންމެ ދުވަހަކު 1،279 މެޓްރިކް ޓަންގެ އައިސް އުފައްދައެވެ.
ދާދި ފަހުން ރައީސް އަބްދުﷲ ޔާމީން ވިދާޅުވި ގޮތުގައި މަސްވެރިންނަށް ދިމާވެފައި ހުރި މައްސަލަތައް ހައްލު ކުރަން ސަރުކާރުން ވަނީ ވަނީ 20 މިލިއަން ޑޮލަރުގެ ބަޖެޓެއް އަންނަ އަހަރު ހަމަޖައްސަން ނިންމައިފަ އެވެ.