ލޯކަލް ގަވަރްމަންޓް އޮތޯރިޓީ (އެލްޖީއޭ) އިން އައްޑޫ ކައުންސިލާ އެކު ބައްދަލުވުމެއް ބާއްވައިފި އެވެ.
ކައުންސިލުން ބުނީ މި ބައްދަލުވުމަކީ ކައުންސިލަށް ކުރިން ލިބި ދީފައި ހުރި ބާރުތުތަކުގެ ތެރެއިން ބިންބިމާއި އިމާރާތްތަކުގެ އެންމެހައި ބާރުތައް ކައުންސިލަށް އޮތް އިރު ރައްކާކުރެވިފައިވާ ލިޔެކިޔުންތައް ހައުސިން މިނިސްޓްރީއާ ހަވާލު ކުރުމުގައި ދެ ފާރާތުގެ ދެމެދުގައި އުފެދިފައިވާ ޙިޔާލު ތަފާތުވުންތައް ހައްލު ކުރުމަށް އެލްޖީއޭ އިން ބޭނުންވެގެން ބޭއްވި ބައްދަލުވުމެއް ކަމަށެވެ.
މި ބައްދަލުވުމުގައި އެލްޖީއޭގެ ފަރާތުން ބައިވެރިވެވަޑައިގެންނެވީ ޑިރެކްޓަރު ޖެނެރަލް ޝަމްޢޫން އާދަމާއި ލޯޔަރު އަޙްމަދު ޝިހާދާއި އެޑްމިނިސްޓްރޭޓިވް އޮފިސަރު އާމިނަތު ޒިދްނާ އެވެ.
ދިވެހި ރާއްޖޭގެ އިދާރީދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނަށް ގެނެވެނު އިޞްލާހާ ގުޅިގެން، ސިޓީ ކައުންސިލްތަކުން ދެމުން ގެންދިޔަ ބައެއް ޚިދުމަތްތަކުގެ ތެރެއިން ބިންބިމާއި ޢިމާރާތްތަކުގެ އެންމެހައި މަސައްކަތްތައް ހައުސިން މިނިސްޓްރީ އަށް ބަދަލު ކުރުމުން ކައުންސިލުން ކުރަން ޖެހޭ ވަކި ހާއްސަ މަސައްކަތަކެއް މިހާރު ނެތްކަން ފާހަގަކޮށްލެވެ އެވެ.