Last Updated: April 4, 20:04
Friday, April 4, 2025
ޚަބަރު

ރޮހިންޖާ މުސްލިމުންނަށް އެހީވާން ހިތަދޫގައި ވެސް ފަންޑް ފޮއްޓެއް

ރޮހިންޖާ މުސްލިމުންނަށް އެހީވާން އައްޑޫގެ އެމްޑީޕީ ހިތަދޫ ގޮފިން އިސް ނަގައިގެން މިއަދު ފަންޑު ފޮއްޓެއް ބަހައްޓަން ނިންމައިފި އެވެ.

މި ފަންޑް ފޮށި ހުންނާނީ ހިތަދޫ އެމްޑީޕީ ހަރުގޭގަ އެވެ. ފަންޑް ފޮއްޓަށް ފައިސާ ހަދިޔާ ކުރުމުގެ ފުރުސަތު ހެނދުނު 10:00 އިން ފެށިގެން ރާއްޖެ ޓީވީން ކުރިއަށް ގެންދާ ޓެލެތޯން ނިމެންދެން ފަންޑް ފޮއްޓަށް ފާއިސާ ލުމުގެ ފުރުޞަތު ވަނީ ހުޅުވާލައިފަ އެވެ.

އެ ޗެނެލުން އިއްޔެ ފެށި ޓެލެތޯން މިއަދު މެންދުރު ފަހު 14:30 އާއި ހަމައަށް ކުރިއަށްގެން ދާނެ އެވެ.

މިހާތަނަށް ޓެލެތޯނުން އެއް ލިމިއަނަށް ވުރެ ރުފިޔާ ލިބިފައިވާ އިރު ރާއްޖޭގެ އެކި ކަންކޮޅުތަކުގައި ފަންޑު ފޮށިތައް ބަހައްޓައިގެން ހަރަކާތްތަކަށް އަންނަނީ ހިންގަމުންނެވެ.

އެހެންކަމުން ހިތަދޫގައި ބަހައްޓާ ފަންޑް ފޮއްޓަށް ވެސް ވީހާ ގިނަ ބަޔަކު އެހީތެރިކަން ދިނުމަށް އެމްޑީޕީ ހިތަދޫ ގޮފިން އެދެ އެވެ.