އެންވަޔަރަންމަންޓް މިނިސްޓްރީން ހިންގާ ކްލައިމެޓް ޗޭންޖް އެޑަޕްޓޭޝަން ޕްރޮޖެކްޓް (ސީސީއޭޕީ) ގެ ދަށުން ކުޅި އަދި ޗަސްބިމުގެ ވަސީލަތްތަކުން މަންފާ ހޯދިދާނެ މަސައްކަތް ދަސްކޮށްދޭ ތަމްރީނު ޕްރޮގްރާމެއް އައްޑޫގައި އިއްޔެ ފަށައިފި އެވެ.
އައްޑޫ ހައި ސްކޫލްގައި ކުރިއަށްދާ މި ޕްރޮގްރާމް ފެށުމުގެ ރަސްމިއްޔާތު ޝަރަފުވެރިކޮށް ދެއްވީ އައްޑޫ މޭޔަރު އަބްދުﷲ ސޯދިގް (ސޯބެ) އެވެ.
މޭޔަރު ވިދާޅުވީ ވޯލްޑް ބޭންކުން ފަންޑުކޮށްގެން އީދިގަލި ސަރަހައްދު އީކޯ ޓޫރިޒަމަށް ތަރައްޤީ ކުރާ މަޝްރޫޢު ވީހާ ވެސް އަވަހަކަށް ނިމި މިހާރު އެ ސަރަހައްދުގައި ޤާއިމް ކުރުމުގެ މަސައްކަތް ކުރަމުން ގެންދާ ވިޒިޓާޒް ސެންޓަރު އެޅުމުގެ މަސައްކަތް ވެސް އަވަސް މުއްދަތެއްގައި ނިމިގެންދިއުމަށް އެދިވަޑައިގަންނަވާ ކަމަށެވެ.
މި ތަމްރީން ޕްރޮގްރާމްގެ ތެރެއިން ތިމާވެއްޓާއި ރައްޓެހި ގޮތެއްގައި ދަނޑުވެރިކަންކޮށް އާމްދަނީ ހޯދިދާނެ ގޮތްތަކާއި ކުޅި، ފާ ޗަސްބިމުން ލިބެން ހުންނަ ތަކެތި ބޭނުންކޮށްގެން އަތްތެރި މަސައްކަތްތަށް ދަސްކޮށް ދިނުމާއި އާމްދަނީ ލިބިދެނިވި ގޮތަކަށް ރާވެރިކަން ކުރާނެ ގޮތް އުނގަންނައި ދޭނެ އެވެ.