1. އިސްތަށި ފޭބުން ހުއްޓުވައިދިނުން
ފޭރު ފަތުގެ ފެނުން ޤަވާއިދުން އިސްތަށިގަނޑު ދޮތުމަކީ އިސްތަށި ފޭބުން މަދުކޮށްދޭ ކަމެކެވެ. އެއީ ފޭރު ފަތުގައި ހުންނަ ވިޓަމިން ސީގެ ސަބަބުން އިސްތަށީގެ މޫތައް ނަރިޝްވެ، އިތުރަށް ވަރުގަދަވެގެން ދާތީއެވެ.
2. އިސްތަށި ފެޅުން
ފޭރު ފަތަކީ އިސްތަށިގަނޑު ބޯކޮށްދޭ އެއްޗެކެވެ. އޭގައި އެކުލެވިގެންވާ ވިޓަމިން ބީ އާއި ސީގެ ސަބަބުން ހެއާ ފޮލިކަލްތައް ނަރިޝްވެއެވެ. އޭގެ ނަތީޖާއެއްގެ ގޮތުން އާ އިސްތަށި ފަޅައި، އިސްތަށިގަނޑުގެ ބޯމިން އިތުރުވެއެވެ.
3. ބޮލުގެ ތަލަ ދުޅަހެޔޮވުން
ފޭރު ފަތުގައި ގިނަ އަދަދަކަށް އެނަލްޖެސިކް، އެންޓިމައިކްރޯބިއަލް، އެންޓި-އިންފްލެމޭޓަރީ އަދި އެންޓިއޮކްސިޑެންޓް މާއްދާތައް އެކުލެވިގެން ވެއެވެ. ފޭރު ފަތުގެ ދިޔަ ބޭނުންކޮށްގެން ބޯ މަސާޖު ކުރުމަކީ ތަލަގަނޑު ދުޅަހެޔޮވެގެންދާ ކަމެކެވެ.
4. ބޮލުގައި ހަންފެޅުން ރަނގަޅުވުން
ބޮލުގައި ހަން ފަޅަނީ ތަލަ މާ ބޮޑަށް ހިކި، ހިރުވާގޮތް ވުމުގެ ސަބަބުންނެވެ. ފޭރު ފަތުގެ ދިޔަ ތަލައިގެ އެތެރެއަށް ވަދެ ހަންގަނޑު ވަރަށް ރަނގަޅަށް ނަރިޝްކޮށްދެ އެވެ. އޭގެ ސަބަބުން އިސްތަށީގެ މުލުގައި ފަޅާފައި ހުންނަ ހަންތައް ރަނގަޅުވެގެން ދެއެވެ.
5. އިރުގެ ދޯދިތަކުން ރައްކާތެރިވުން
ފޭރު ފަތުގައި ހިމެނޭ މާއްދާއެއް ކަމަށްވާ ލައިކޮޕީން އަކީ އިރުގެ އަލްޓްރާވައިލެޓް ދޯދިތަކުން އިސްތަށިގަނޑު ސަލާމަތްކޮށްދޭ މާއްދާ އެކެވެ.
6. ލޭ ދައުރުކޮށްދިނުން
ފޭރު ފަތުގެ ދިޔައިން ބޯ މަސާޖު ކުރުމުގެ ސަބަބުން ބޮލުގައި ލޭ ދައުރުވާ މިންވަރު ރަނގަޅުވެ، ހެއާ ފޮލިކަލްތައް ދުޅަހެޔޮވެގެން ދެއެވެ.
7. އިސްތަށިގަނޑާއި ތަލަ ސާފުވުން
ފޭރު ފަތުގެ ދިޔަ އަކީ އިސްތަށީގައާއި ފޮލިކަލްތަކުގައި ހުންނަ ޖަރާސީމާއި މިލަތައް ނައްތާލަދޭ އެއްޗެކެވެ. އޭގެ ސަބަބުން އިސްތަށިގަނޑު މާބޮޑަށް ތެޔޮވުމުންނާއި ހަންފެޅުމުން ދުރުހެލިވެގެން ދެއެވެ. އަދި އިސްތަށިގަނޑު މަޑުވެ އޮމާންވެގެން ދެއެވެ.
8. އިސްތަށިގަނޑު ދުޅަހެޔޮވުން
ފޭރު ފަތުގައި ހިމެނޭ ވިޓަމިންތަކުގެ ސަބަބުން ކޮލާޖެން މަސައްކަތް ކުރާ މިންވަރު އިތުރަށް ރަނގަޅުވެގެން ދެއެވެ. އޭގެ ސަބަބުން އިސްތަށިގަނޑު އަވަހަށް ދިގުވެ އެވެ. އަދި ދުޅަހެޔޮވެގެން ދެއެވެ.