އައްޑޫ ސިޓީ ކައުންސިލް އިދާރާ އާއި ސިވިލް ސަވިސް ޓްރޭނިންގް އިންސްޓިޓިއުޓް ގުޅިގެން ކައުންސިލް އިދާރާގެ މުވައްޒަފުންނަށް ޚާއްސަކޮށްގެން ހިންގާ ޑިޕްލޮމާ އިން އޮފީސް އެޑްމިނިސްޓްރޭޝަން ކޯހުގައި ބައިވެރިވާ މުވައްޒަފުންނަށް މިއަދު އޮރިއެންޓޭޝަން ޕްރޮގްރާމެއް ބާއްވައިފި އެވެ.
މި ޕްރޮގްރާމުގައި ބައިވެރިންނަށް ކޯހާ ބެހޭ މަޢުލޫމާތު އެރުވީ ސިވިލް ސާވިސް ކޮމިޝަނުގެ ރައީސް ޑރ. ޢަލީ ޝަމީމެވެ.
ކައުންސިލުން ފަށާ މި ކޯހުގައި 20 މުވައްޒަފަކު ބައިވެރިވެ އެވެ. މިއީ މުވައްޒަފުންގެ ތަޢުލީމީ ފެންވަރު މަތިކޮށް އެމުވައްޒަފުންގެ ކުރިއެރުމަށް ކައުންސިލުން ހިންގާ ތަމްރީނު ޕްރޮގްރާމުތަކުގެ ތެރެއިން ޕްރޮގްރާމެކެވެ.
އެއް އަހަރު ދުވަހުގެ މުއްދަތަށް ޑިޕްލޮމާ އިން އޮފީސް އެޑްމިނިސްޓްރޭޝަން ކޯހުގެ އިތުރުން ސެޓްފިކެޓް 3 އިން އޮފީސް އެޑްމިނިސްޓްރޭޝަން ކޯހެއް ފެށުމަށް ވެސް ކައުންސިލުން ވަނީ ތައްޔާރުވެފަ އެވެ.
އަދި މި ދެ ކޯހަށް ވެސް ކިޔަވައި ދޭނެ ލެކްޗަރާ އިން ހޯދުމަށް ޢިއުލާންވެވި އެއަށް ކުރިމަތި ލެއްވި ފަރާތްތަކުގެ ތެރެއިން ލެކްޗަރާ އިން ހޮވުމުގެ މަސައްކަތް މިހާރު އަންނަނީ ކުރަމުންނެވެ.