އަންނަ ޑިސެމްބަރު މަހުު އެކެއްގައި ރިލީޒް ކުރާ ސަންޖޭ ލީލާ ބަންސާލީގެ "ޕަދްމާވަތީ" ގެ ބަތަލާ ދީޕިކާ ޕަދްކޯން ހިމެނޭ ޕޯސްޓަރުތަކެއް ދައްކައިލުމަށް ފަހު، އެކްޓަރު ޝާހިދު ކަޕޫރް ފިލްމްގައި ހުންނާނެ ގޮތް ދައްކުވައިދޭ ޕޯސްޓަރުތަކެއް ދައްކާލައިފި އެވެ.
އޭނާގެ ދެ ޕޯސްޓަރުގެ ތެރެއިން އެކަތީގައި ފެންނަނީ ވަރަށް ކްލޯޒްއަޕްޝް ޝޮޓެކެވެ. ބޮލުގެ އިސްތަށިގަނޑު ދިގުކޮށް، ލޮލުގައި އަނދުން އަޅައިފައި ހުންނަ އެ ޕޯސްޓަރުގައި ފެންނަ ގޮތުން ޝާހިދުގެ ކެރެކްޓާއަކީ ޝާހީ ގޮތްގަނޑު ދައްކުވައި ދޭނެ ކެރެކްޓާއެއްކަން އެނގެ އެވެ.
އަނެއް ޕޯސްޓަރުގައި ފެންނަނީ ހަނގުރާމަ މައިދަނާނެއްގައި ޝާހިދު ޒަމަހްވެފައި ހުއްޓަ އެވެ.
Proud to present the 1st look of #MahaRawalRatanSingh at the crack of the dawn! #Padmavati@deepikapadukone @shahidkapoor @Ranveerofficial pic.twitter.com/plVKOsatOw
— Sudhanshu Vats (@Sudhanshu_Vats) September 25, 2017
"ޕަދްމާވަތީ" ގައި އޭނާ ކުޅެނީ ރާވަލް ރަތަން ސިންގް ކިޔާ ކެރެކްޓާއެކެވެ. މިއީ "ޕަދްމާވަތީ" އެހެން ގޮތަކަށް ކިޔާ ނަމަ، ރާނީ ޕަދްމިނީގެ ފިރިމީހާގެ ރޯލެވެ.
ދީޕިކާ އާއި ޝާހިދުގެ އިތުރުން މި ފިލްމުން ރަންވީރް ސިންގް ވެސް ފެނިގެން ދާނެ އެވެ. ކުރިއަށް ދެން އޮތީ އޭނާގެ ޕޯސްޓަރުތައް ދައްކައިލުމެވެ.
ގިނަ ބަޔަކު އެންމެ ބޮޑަށް އިންތިޒާރު ކުރަމުން އަންނަނީ "ޕަދްމާވަތީ" ގެ ޓްރެއިލާ ލޯންޗް ކުރާނެ އިރަކަަށެވެ.