1. ނިދަން އުނދަގޫވުން
ސަޔަކީ އޭގައި ކެފެއިން އެކުލެވިގެންވާ އެއްޗެކެވެ. ސައި ގައި ހުންނަ ކެފެއިން އަކީ މާގިނައިން ހަށިގަނޑުގެ ތެރެއަށް ގޮސްފިނަމަ ޑައިޔުރެޓިކް އަސަރުތަކެއް ކުރުވާ އެއްޗެކެވެ. މީގެ އިތުރުން ކެފެއިން އަކީ ނިދުމުގެ އުނދަގޫތައް ކުރިމަތިކުރުވާ އެއްޗެއްވެސް މެއެވެ.
2. ބަނޑު ހަރުވުން
ތިއޮފިލިން އަކީ ސައިގައި ހިމެނޭ ކެމިކަލް އެކެވެ. އޭގެ ސަބަބުން ކާއެއްޗެހި ހަޖަމްކުރާ ވަގުތު ހަށިގަނޑު ޑީހައިޑްރޭޓްވެގެން ދެއެވެ. ނަތީޖާއެއްގެ ގޮތުން ބަނޑު ހަރުވެއެވެ. ގިނަ މީހުން ޤަބޫލުކުރާ ގޮތުގައި ހެނދުނު ސައި ބުއިމަކީ ފަސޭހައިން ބޮޑުކަމުދިއުމަށް މަގުފަހިކޮށްދޭ ކަމެކެވެ. އެހެންނަމަވެސް މާގިނައިން ސައި ބުއިމަކީ ބަނޑު ހަރުވާ ކަމެކެވެ.
3. އެންޒައިޓީ
ކެފެއިން އަކީ މީހާގެ މޫޑަށް ވަރަށް ބޮޑަށް އަސަރު ކުރުވާ އެއްޗެކެވެ. ކެފެއިންގެ ސަބަބުން ފައިދާތަކެއް ލިބޭއިރު، އޭގެއިން ލިބޭ ގެއްލުންތަކެއް ވެސް ހުރެއެވެ. މާގިނައިން ސައި ބުއިމުގެ ސަބަބުން ނިދުމުގައި ދަތިތައް ދިމާވެ، މީހާ ނުތަނަވަސް ވެއެވެ. އޭގެ ސަބަބުން އެންޒައިޓީ އާއި ކުރިމަތިލާން ޖެހެއެވެ. އަދި ހަމަ އެހެންމެ ހިތުގެ ވިންދުވެސް އަވަސްވެއެވެ.
4. ބަނޑުގައިވާ ދަރިފުޅު ވެއްޓުން
މާބަނޑު އަންހެނުން ސައި ބުއިމަކީ އެއްގޮތަކަށް ވެސް އެދެވިގެންވާ ކަމެއް ނޫނެއެވެ. އެއީ އޭގައި އެކުލެވިގެންވާ ކެފެއިންގެ ސަބަބުން ބަނޑުގައިވާ ދަރިފުޅުގެ ހެދިބޮޑުވުމަށް ނޭދެވޭ އަސަރުތަކެއް ކޮށް، ދަރިފުޅު ވެއްޓުމަކީ ވެސް އެކަށީގެންވާ ކަމަކަށް ވާތީއެވެ.
5. ޕްރޮސްޓޭޓް ކެންސަރު
މިއީ މާ ގިނައިން ސައި ބުއިމުން ލިބޭ އެންމެ ބޮޑު ގެއްލުމެވެ. އެގޮތުން ދިރާސާތަކުން ދައްކާފައިވާ ގޮތުގައި ގިނައިން ސައި ބޯ މީހުންނަށް ޕްރޮސްޓޭޓް ކެންސަރު ޖެހުމުގެ ފުރުސަތު ބޮޑެވެ.
6. ހިތުގެ މައްސަލަތައް
ސައި ގައި އެކުލެވިގެންވާ ކެފެއިން އަކީ ހިތާއި ލޭހޮޅިތަކަށް ރަނގަޅު އެއްޗެއް ނޫނެވެ. ކެފެއިން އަކީ ހިތުގެ ބަލިތަކަށް ފަރުވާ ހޯދަމުންދާ މީހުންނަށް ރަނގަޅު އެއްޗެއް ނޫނެވެ.