މިޔަންމާގެ ރޮހިންޖާ މުސްލިމުނަށް އެހީވުމަށް ފައިސާ ހޯދުމުގެ ގޮތުން އައްޑޫ ނޫރުލް އިސްލާމް ޖަމިއްޔާގެ ފަރާތުން ޖަމްބްލް ސޭލެއް ބާއްވަން ނިންމައިފި އެވެ.
މިހާރު ވެސް ރޮހިންޖާ ރައްޔިތުންނަށް އެހީވާން ފަންޑް ފޮށިތަކެއް ހުޅުވާފައިވާ ޖަމިއްޔާ އިން ބުނީ ޖަމްބްލް ސޭލް ހިތަދު އާއި ފޭދޫގައި ބާއްވާނީ މި މަހުގެ 29 އާއި 30 ގައި ކަމަށެވެ.
ނޫރުލް އިސްލާމުން ބުނީ ޖަމްބލް ސޭލް ބާއްވަނީ ހެޔޮއެދޭ ފަރާތްތަކުން ފޯރުކޮށް ދީފައިވާ ތަކެތި ބޭނުންކޮށްގެން ކަމަށެވެ.
އެ ޖަމިއްޔާ އިން ހުޅުވާފައިވާ ފަންޑަށް ފައިސާ ހަދިޔާ ކުރުމުގެ ފުރުސަތު މިހާރު ހަމަޖެހިފައި އޮތް ގޮތުން ނަމަ އަންނަ މަހުގެ ހަތަރު ވަނަ ދުވަހާ ހަމައަށް ކުރިއަށް ދާނެ އެވެ.
ފަންޑް ފޮށިތައް ބަހައްޓާފައި ވަނީ ފޭދޫ 3އެސް ސްޕަމާޓާއި ހިތަދޫ 3އެސް ސްޕަމާޓްގަ އެވެ. މީގެ އިތުރުން މިދިޔަ ހުކުރު ދުވަހު ބޭއްވި ރެލީއެއްގެ ތެރެއިން ފައިސާ ހޯދުމުގެ ހަރަކާތްތަކެއް ވަނީ ހިންގައިފަ އެވެ.