ކުޅިވަރުގެ ދާއިރާއިން ފާހަގަކޮށްލެވޭ ދަރިވަރުންނަށް ކޮންމެ އަހަރަކު ދެމުން އަންނަ "ނެސްލޭ މައިލޯ ކަލާޒް އެވޯޑް" ޓީޓީން ފިޔަޖަހަމުން އަންނަ އައިޝަތު ރަފާ ނާޒިމް ހޯދައިފިއެވެ.
ދަރުބާރުގެ ގޭގައި ރޭ ބޭއްވި ހާއްސަ ރަސްމިއްޔާތުގައި ރަފާއަށް އެވޯޑް ހަވާލުކޮށްދެއްވީ އެޑިއުކޭޝަން މިނިސްޓަރ ޑރ. އައިޝަތު ޝިހާމްއެވެ.
އުމުރުން އެންމެ 13 އަހަރުގެ ރަފާ ވަނީ ފާއިތުވި 13 އަހަރު ވަންދެން ރާއްޖޭގެ ޓީޓީ ޗެމްޕިއަންކަން ދަމަހައްޓަމުން ދިޔަ މުއީނާ ބަލިކޮށް ގައުމީ ޓީޓީ ޗެމްޕިއަންޝިޕް ތަށި އުފުލާލާފައެވެ. އެއާއި އެކު ރަފާ ހިމެނިފައިވަނީ ރާއްޖޭގެ އުމުރުން އެންމެ ހަނގު ޗެމްޕިއަންގެ ގޮތުގައެވެ.
ރޭގެ ރަސްމިއްޔާތުގައި އެކި ކުޅިވަރުތަކުން ހާއްސަ އެވޯޑް 24 ދަރިވަރަކު ވަނީ ހޯދާފައެވެ. މި ރަސްމިއްޔާތުގައި ވާހަކަފުޅު ދައްކަވަމުން އެޑިއުކޭޝަން މިނިސްޓަރ ޑރ. އައިޝަތު ޝިހާމް ވިދާޅުވީ އެވޯޑާއި ގުޅިގެން ގިނަ ދަރިވަރުން ކުޅިވަރުގެ ތެރެއަށް ވަންނަމުން އަންނަ ކަމަށާއި އޭގެ ސަބަބުން ކުޅިވަރުގެ އަލިގަދަ ތަރިން ފެންނަމުން އަންނަ ކަމަށެވެ.
މައިލޯ ކަލާސް އެވޯޑަކީ ކުޅިވަރު ކުޅޭ ދަރިވަރުންނަށް އަމާޒުކޮށް ރައްޖޭގައި ދެވޭ އެންމެ ފަހުރުވެރި އެވޯޑެވެ.