ބޮލީވުޑްގެ މަޝްހޫރު ތަރި ރިތިކް ރޯޝަން އާއި ޒުވާން އެކްޓަރު ޓައިގާ ޝްރޮފް، ޔާޝް ރާޖް ފިލްމްސް (ވައިއާރްއެފް) ގެ ފިލްމަކަށް ސޮއިކޮށްފި އެވެ.
އެ ކުންފުނީގެ ވެރިޔާ އަދި 2012 ވަނަ އަހަރު މަރުވެފައިވާ ޔާޝް ޗޯޕްޅާގެ 85 ވަނަ އުފަން ދުވަހާ ދިމާކޮށް ވައިއާރްއެފްގެ ޓްވިޓާ އިން މިއަދު އިއުލާންކޮށްފައިވާ ގޮތުގައި ރިތިކާއި ޓައިގާ އެކުގައި ކުޅޭ ފިލްމް ސިނަމާތަކަށް އަންނާނީ ޖެނުއަރީ 25، 2019 ގަ އެވެ.
Bring it on! Presenting @iHrithik & @iTIGERSHROFF in YRF's next film. Directed by Siddharth Anand. Releasing on 25th Jan’19 #HrithikVsTiger
— Yash Raj Films (@yrf) September 27, 2017
މި ފިލްމުގެ ނަން އިއުލާން ނުކުރި ނަމަވެސް، ފިލްމް ޑައިރެކްޓް ކުރާނި ވައިއާރްއެފްގެ ބަޗްނާ އޭ ހަސީނޯ (2008) ގެ ޑައިރެކްޓަރު ސިދާތު އާނަންދު އެވެ. މި ފިލްމްވެގެން ދާނީ އެ ފިލްމަށް "ސަލާމް ނަމަސްތޭ (2005) ވެސް ގެނެސް ދިން ސިޔާތު އެ ސްޓޫޑިއޯ އަށް ޑައިރެކްޓް ކުރާ ތިން ވަނަ ފިލްމަށެވެ.
Sir @iHrithik. You are my Guru. But you should know when the game changes. #HrithikVsTiger
— Tiger Shroff (@iTIGERSHROFF) September 27, 2017
އޭނާގެ ކުރިއަށް އޮތް ފިލްމަކީ ސާޖިދު ނަދިއަދްވާލާ ޕްރޮޑިއުސްކޮށް، ޓައިގާ ލީޑަށް ލައިގެން ހަދާ ހޮލީވުޑްގެ ފިލްމް "ރާމްބޯ" ގެ ރިމެކިން އެވެ.
ވައިއާރްއެފްގެ ފިލްމްވެގެން ދާނީ ބޭންގް ބޭންގް (2014) އަށް ފަހު ސިދާތުއާ އެކު، ރިތިކް ކުޅޭ ދެވަނަ ފިލްމެވެ.
A Guru will always have that one trick, he doesnt teach his student. @iTIGERSHROFF #HrithikVsTiger
— Hrithik Roshan (@iHrithik) September 27, 2017
އެ ދެ ތަރިންގެ ނަމާއި ފިލްމް ރިލީޒ ކުރާ ތާރީހު އިއުލާން ކުރުމަށް ފަހު، ވައިއާރްއެފްގެ ވެބްސައިޓްގައި ބުނީ މި ފިލްމަކީ އެކްޝަން ތުރިލާއެއް ކަމަށާއި ފިލްމުގެ ޝޫޓިން އަންނަ އަހަރުގެ އެޕްރީލް މަހުގެ ތެރޭގައި ފަށާނެ ކަމަށެވެ.
ނަމަވެސް ފިލްމުގެ ބަތަލާއިންނަކީ ކޮބައި ކަމެއް އަދި ނޭނގެ އެވެ.
މި ފިލްމަކީ ވައިއާރްއެފަށް ޓައިގާ ކުޅޭ ފުރަތަމަ ފިލްމަށް ވިޔަސް، ރިތިކް ވަނީ އެ ސްޓޫޑިއޯގެ މުޖްސް ދޯސްތީ ކަރޯގީ (2002) އަދި ދޫމް 2 (2006) ކުޅެފަ އެވެ.