ބޮލިވުޑްގެ ބަތަލާ އަދި އެކްޓަރު ސައިފް އަލީ ހާންގެ ކޮއްކޮ ސޯހާ އަލީ ހާން އަންހެން ކުއްޖަކު މިއަދު ވިހައިފި އެވެ.
މިއީ ސޯހާ އާއި އެކްޓަރު ކުނާލް ކޭމޫގެ ފުރަތަމަ ދަރިފުޅެވެ. އެ ދެ މީހުން ކައިވެނި ކުރީ 2015 ގަ އެވެ. ބައްޕައަކަށްވުމުން އުފަލުން ހުރި ކުނާލް މިއަދު ކުރި ޓްވީޓެއްގައި ބުނީ އަންހެނުންނާއި ދަރިފުޅުގެ ހާލު ވެސް ރަނގަޅު ކަމަށެވެ.
އަދި އަލަތު ދަރިފުޅާ އެކު، މުޅި އާއިލާ އަށް ވަރަށް ބޮޑު އުފަލެއް ލިބިފައިވާ ކަމަށް އޭނާ ބުންޏެވެ. ކުނާލް އަށް ދަރިއަކު މި ލިބުނީ އޭނާ މުހިއްމު ރޯލެއް ކުޅެފައިވާ ރޯހިތު ޝެޓީގެ "ގޯލްމާލް އެގެއިން" ވެސް ރިލީޒް ކުރަން ތައްޔާރުވަމުން ދަނިކޮށެވެ.
We are over the moon to share we have been blessed with a beautiful baby girl on this auspicious day Thank you for the love&blessings
— kunal kemmu (@kunalkemmu) September 29, 2017
ސޯހާ އަށް އަލަތު ދަރިއަކު ލިބުނު އިރު ބޭބެ ސައިފާއި ކަރީނާ އަށް މިދިޔަ އަހަރު ވަނީ ފިރިހެން ދަރިއަކު ލިބިފަ އެެވެ. އެއީ މިހާރު އަހަރެއް ފުރެން ކައިރިވެފައިވާ ތައިމޫރް ސައިފް އަލީ ހާނެވެ،
ސައިފަށް ކުރިން އެހެން ކައިވެންޏަކަށް ވެސް ދެ ދަރިން ލިބިފައިވެ އެވެ.