އައްޑޫގައި އެންމެ ފުޅާކޮށް ދަނޑުވެރިކަން މީދު އާއި އެ އަވަށުގެ މަސްވެރިކަމާ ބެހޭ ވީޑިއޯއެއް ތައްޔާރުކޮށް ދޭނެ ބަޔަކު ހޯދަން ފިޝަރީޒް މިނިސްޓްރީން އިއުލާންކޮށްފި އެވެ.
އެ މިނިސްޓްރީން މިއަދު ނެރުނު އިއުލާނެއްގައި ބުނީ މިނިސްޓްރީ އާއި އިންޓަނޭޝަނަލް ފަންޑް ފޯ އެގްރިކަލްޗަރަލް ޑިވެލޮޕްމަންޓް ގުޅިންގެން ކުރިއަށް ގެންދާ " ފިޝަރީޒް އެންޑް އެގްރިކަލްޗަރަލް ޑައިވަސިފިކޭޝަން ޕްރޮގްރާމް" ގެ ދަށުން މީދޫގައި ކޯޕަރޭޓިވް ސޮސައިޓީތަކުގެ ދަށުން ދަނޑުވެރިކަމާއި މަސްވެރިކަމުގެ ވިޔަފާރި ތަރައްޤީ ކުރުމުގެ މަޝްރޫޢުގެ ވީޑިއޯއެއް ތައްޔާރުކޮށް ދޭނެ ފަރާތެއް ބޭނުންވާ ކަމަށެވެ.
އެހެންވެ މިކަމަށް ޝައުގުވެރިވާ ފަރާތްތަކަށް މި މަހުގެ 12 ވަނަ ދުވަހާ ހަމައަށް ހުޅުވާލައިފަ އެވެ.
މިކަމާ ބެހޭ މައުލޫމާތު މި މަހުގެ 5 ވަނަ ދުވަހު މެންދުރު ފަހު 1:00 ގައި މިނިސްޓްރީގެ ޕްރޮޖެކްޓް އިމްޕްލިމެންޓޭޝަން ޔުނިޓް، (ހ.ވައިޓް ވޭވްސް، މޫންލައިޓް ހިނގުން) އިން ދޭ ގޮތަށް ވަނީ ހަމަޖެހިފަ އެވެ.
މިކަމާގުޅޭ ގޮތުން އިތުރު މަޢުލޫމާތު 3341836 އަށް ގުޅައިގެން ހޯދޭނެ އެވެ.