އައްޑޫގެ ހުރިހާ އަވަށަކަށް އަމާޒުކޮށްގެން ހިންގާ ސިލްސިލާ ޓްރެފިކް އޮޕަރޭޝަން "ދިވިލި މަތަ" ގެ ހަ ވަނަ އޮޕަރޭޝަންގައި އުޅަނދު ބަލައި ފާސްކޮށް ޤަވާއިދާ ޚިލާފުވެފައިވާ ނުވަ ފަރާތަކާ މެދު ފިޔަވަޅު އަޅާފައިވާ ކަމަށް ފުލުހުން ބުނެފި އެވެ.
ހުކުރު ދުވަހު ހިންގި އޮޕަރޭޝަނުގައި ވެހިކަލް ޗެކްޕޮއިންޓްތައް ޤާއިމްކޮށްގެން، އުޅަނދުތަކުގެ އަހަރީ ފީ އާއި އިންޝުއަރެންސް އާއި ރޯޑްވާދިނަސް މުއްދަތު ހަމަވެފައިވޭތޯ އާއި ސްޓިކާ ހަރުކޮށްފައި ހުރިތޯ ބެލުމުގެ އިތުރުން ޓްރެފިކާ ގުޅުން ހުރި އެހެން ވައިލޭޝަންތައް ބަލާފައިވެ އެވެ.
އައްޑުއަކީ އެންމެ ގިނަ އަދަދަކަށް ރާއްޖޭގައި ނުރައްކާތެރި އެކްސިޑެންޓްތައް ހިނގާ ސިޓީ އެވެ.
އެހެންވެ ދޭތެރެ ދޭތެރެ އިން ފުލުހުން އަންނަނީ ޓްރެފިކް މައްސަލަތައް މަދުކޮށް، ހުއްޓުވަން އޮޕަރޭޝަންތައް ހިންގަމުންނެވެ.