ވިލާ އެއާގެ ފްލައިމީން ވަރަށް އަވަހަށް ޑޮމެސްޓިކް އިތުރު މަންޒިލްތަކަކަށް ވަރަށް އަވަހަށް ދަތުރުތައް ފަށަން ތައްޔާރުވަމުން އަންނަ ކަމަށް އެ އެއާލައިނުން ބުނެފި އެވެ.
ފްލައިމީން މިއަދު ނެރުނު ބަޔާނެއްގައި އެކަން ހާމަ ކުރި ނަމަވެސް ދަތުރުތައް ފަށަން ނިންމާފައި ވަނީ ކޮން މަންޒިލްތަކަކަށް ކަމަށް ހާމައެއް ނުކުރެ އެވެ.
އެ އެއާލައިނުން ބުނީ ހަ އަހަރުވީ އިރު ވޭތުވެ ދިޔަ އަހަރުތަކުގައި ވަރަށް ގިނަ ގޮންޖެހުންތަކާ ކުރިމަތިލާން ޖެހުނު ނަމަވެސް ކާމިޔާބު ކަމާއެކު އެ ހުރަސްތައް ގިރާ ކުރެވިފައިވާ ކަމަށެވެ.
މިދިޔަ ފިތުރު އީދާ ދިމާކޮށް ފްލައި މީން އައްޑު އާއި ފުވައްމުލަކަށް ދަތުރުތައް އަލުން ފަށާނެ ކަމަށް ބުނި ނަމަވެސް، ސަރުކާރުގެ ކަމާ ގުޅުން ހުރި އިދާރާތަކުން އެކަމަށް ހުއްދަ ނުދީގެން އެކަން ކުރެވޭ ގޮތް ވަނީ ނުވެފަ އެވެ.
ފްލައި މީގެ ހިދުމަތް ފަށާފައި ވަނީ އޮކްޓޯބަރު 1، 2011 ގަ އެވެ.
އެ އެއާލައިނުން މި ވަގުތު އުދުހެނީ ރާއްޖޭގެ އެންމެ ތިން މަންޒިލަކަށެވެ.