ރޭ ފަތިހު އަޑިއަށް ދިޔަ މުދާ އުފުލާ ދޯނިން ގެއްލުނު ތިން މީހުން ހޯދަމުން ދަނިކޮށް ފެނިއްޖެ އެވެ.
ފުލުހުން ބުނީ ތިން މީހުން ވެސް ފެނުނު އިރު އެ އެންމެންގެ ހާލު ވެސް ރަނގަޅު ކަމަށވެ.
މާލެ އިން މުދާބަރުކޮށްގެން އއ. އަތޮޅަށް ދަތުރު ކުރަމުން ދިޔަ "އުންމީދު" ދޯނި އަޑިއަށް ދިޔަ ހާދިސާގައި ގެއްލުނު މި ތިން މީހުން ފެނިފައި ވަނީ ރަންނާޅި ރިސޯޓް ބޭރުގައި ޕެލެޓްތަކެއްގެ މަތީގައި ތިއްބަ އެވެ. އެ މީހުން ފެނިފައި ވަނީ މެރިން ޕޮލިސްގެ ލޯންޗަކަށެވެ.
ދޯނީގައި ތިބީ ދިވެއްސަކާއި ދެ ބީދޭސީންނެނެވެ.
"އުންމީދު" ދޯނި އަޑިއަށް ދިޔައީ މާލެ އަތޮޅު ބޮލިފުށީގެ ހުޅަނގުން ހަތް މޭލު ބޭރުން އެވެ. ނަމަވެސް ދޯނި އަޑިއަށް ދާން ދިމާވި ސަބަބެއް އަދި ނޭނގެ އެވެ.
ދޯނީން ގެއްލުނު މީހުން ފެނުނު ނަމަވެސް ދޯނި އަދިވެސް ފެންނަ ގޮތެއް ނުވެ އެވެ. އެމްއެންޑީއެފް ކޯސްޓްގާޑުންނާއި ހެލިކޮޕްޓަރުން އަންނަނީ ދޯނު އަޑިއަށް ދިޔަ ސަރަހައްދު ކަމަށް ރިޕޯޓް ކުރި ސަރަހައްދު ބަލަމުން އެވެ.