ސައިފް އަލީ ހާންގެ "ކިޔާ ކެހެނާ" އާއި ޝާހްރުކް ހާންގެ "ކަބީ ހާ ކަބީ ނާ" ފަދަ ފިލްމްތައް ޑައިރެކްޓްކޮށްފައިވާ އިންޑިއާގެ މަޝްހޫރު ޑައިރެކްޓަރު ކުންދަން ޝާހް މަރުވެއްޖެ އެވެ.
މީޑިއާ ރިޕޯޓްތައް ބުނާ ގޮތުގައި ކުންދަން މަރުވީ މިއަދު ފަތިހުގެ ވަގުތެއްގައި މުމްބާއީގައި ހުންނަ އޭނާގެ ގޭގަ އެވެ. މަރުވި އިރު އުމުރަކީ 70 އަހަރެވެ.
ނެޝަނަލް އެވޯޑް ވެސް ހާސިލްކޮށްފައިވާ އަދި ލިޔުންތެރިއެއްގެ ގޮތުގައި ވެސް މަޝްހޫރު ކުންދަން ޑައިރެކްޝަނަށް ނިިކުތީ 1983 ގައި ރިލީޒް ކުރި "ޖާނޭ ބީ ދޯ ޔާރޯ" އިންނެވެ. "ނުއްކަޅު" އާއި "ޔޭ ޖޯ ހޭ ޒިންދަގީ" ފަދަ ޓީވީ ސިލްސިލާތައް ވެސް ހަދާފައިވާ ކުންދަން އެންމެ ފަހުން ޑައިރެކްޓް ކުރި ފިލްމަކީ 2014 ގައި ނެރުނު "ޕީ ސޭ ޕީއެމް ތަކް" އެވެ.
އޭނާ ލިޔެ ޑައިރެކްޓްކޮށްފައިވާ އިތުރު ފިލްމްތަކުގެ ތެރޭގައި "ދިލް ހެ ތުމާރާ" އާއި "ހަމް ތޯ މުހައްބަތި ކަރޭގާ" ހިމެނެ އެވެ.