އިންޑިއާގެ ލަވަ ކިޔުންތެރިޔާ ޒުބީން ގަރްގްގެ މައްޗަށް މާރާމާރީގެ ކުށް ސާބިތުވެ ތިން މަހަށް ޖަލަށް ލާން ހުކުމްކޮށް، 5،000 ރުޕީސް އިން އައްސާމްގެ ކޯޓުން ހުކުރު ދުވަހު ހުކުމްކޮށްފި އެވެ.
ޒުބީންގެ މައްޗަށްް ދައުވާ ކުރީ އާންމު ތަނެއްގައި ކުޑަކުއްޖަކު ދުންފަތުގެ އިސްތިއުމާލް ކުރަނިކޮށް، އޭނާގެ ކަންކަށިމަތީގައި ޖަހައި މާރާމާރީ ހިންގި މައްސަލައެއްގަ އެވެ.
މި މައްސަލާގައި ލަވަ ކިޔުންތެރިޔާގެ މައްޗަށް ދައުވާ ކުރި ކުޑަކުއްޖާގެ ބައްޕަ އަރޫޕް ބޮރްބޯރާ ބުނީ ޒުބީންގެ މައްޗަށް ކުރި ހުކުމާ ދޭތެރޭ ހިތްހަމަޖެހޭ ކަމަށެވެ. އަދި މިއީ އިންސާފު ލިބުން ކަމަށް ގަބޫލު ކުރާ ކަމަށް އޭނާ ބުންޏެވެ.
ޒުބީންގެ ވަކީލް ޖުމްމޯނީ ދޭވީ ބުނީ ޒުބީންގެ މައްޗަށް އިއްވި ހުކުމް ހައި ކޯޓްގައި ވަރަށް އަވަހަށް އިސްތިއުނާފު ކުރާނެ އެވެ.
ދެހާސް ހައެއްގައި ރިލީޒް ކުރާ "ގޭންސްޓާ" ގެ ޔާ އަލީ އާއި ކްރިޝް 3 (2013) ގެ "ދިލް ތޫހި ބަތާ" ފަދަ މަޝްހޫރު ލަވަތައް ކިޔާފައިވާ ޒުބީންއަކީ އައްސާމްގައި މަޝްހޫރު އެކްޓަރެއް ވެސް މެ އެވެ. އޭނާގެ އެންމެ ފަހުގެ ފިލްމަކީ މިދިޔަ މަހު ރިލީޒް ކުރި "މިޝަން ޗައިނާ" އެވެ. އެ ފިލްމްގައި އެކްޓްކޮށް، ޑައިރެކްޓް ކުރީ ވެސް ޒުބީން، 45، އެވެ.