މީގެ ކުރިން ވެސް ބޮޑެތި އަދަދުތަކުން ޖޫރިމަނާކޮށްފައިވާ ރާއްޖެ ޓީވީ އަނެއްކާ ވެސް ބޮޑު އަދަދަކުން ޖޫރިމަނާކޮށްފި އެވެ.
މިފަހަރު ޖޫރިމަނާކޮށްފައި ވަނީ ޖުލައި 28، 2017 ވަނަ ދުވަހުގެ ރޭ ވަގުތުން ގެނެސް ދިން ޕްރޮގްރާމެއްގައި ތިމަރަފުށީ ދާއިރާގެ މެމްބަރު މުހައްމަދު މުސްތަފާ ރައީސް އަބްދުﷲ ޔާމީނާ ބެހޭ ގޮތުން ދެއްކެވި ވާހަކައައެއް ގެނެސް ދިން މައްސަލައެއްގައި 500،000ރ. އިންނެވެ.
އެ އަދަދުން ރާއްޖެ ޓިވީ ޖޫރިމަނާކޮށްފައި ވަނީ އަބުރު ރައްކާތެރިކުރުމާއި ޚިޔާލު ފާޅުކުރުމުގެ މިނިވަންކަމާ ގުޅޭ ޤާނޫނުގެ ދަށުންނެވެ.
މި ޤާނޫންގެ ދަށުން މީގެ ކުރިން ވެސް ދެ ފަހަރެއްގެ މަތިން ރާއްޖެ ޓީވީ ވަނީ ޖޫރިމަނާކޮށްފައެވެ. އެގޮތުން ފުރަތަމަ ޖޫރިމަނާކޮށްފައި ވަނީ 200،000ރ. އިންނެވެ. އަދި ދެވަނަ ފަހަރު ޖޫރިމަނާ ކުރީ އެއް މިލިއަން ރުފިޔާއިންނެވެ.