ފުލުހުންގެ މުއައްސަސާގައި ހުރި ވަޒީފާގެ ފުރުސަތުތަކާ ބެހޭ ގޮތުން މައުލޫމާތު ދޭން އައްޑޫގައި "ޕޮލިސް އޯޯޕަން ޑޭ" ގެ ނަމުގައި ހަރަކާތްތަކެއް ހިންގާ ގޮތަށް ނިންމައިފި އެވެ.
އޯޕަން ޑޭގެ ފުރަތަމަ ބައި އޮންނާނީ މާދަމާ އައްޑޫ ސިޓީ ކައުންސިލް އިދާރާގެ ހޯލްގަ އެވެ. ކުރިއަށް ދާނީ ހެނދުނު 10:00-12:00 އަދި މެންދުރު ފަހު 2:00-4:00 އަށެވެ.
މީގެ އިތުރުން ހުކުރު ދުވަހު ހުޅުމީދޫގައި ވެސް "ޕޮލިސް އޯޕަން ޑޭ" ކުރިއަށް ގެންދާ ވަނީ ހަމަޖެހިފަ އެވެ.
މި އޯޕަންޑޭގައި ފުލުހުންގެ މުއައްސަސާގައި ހުރި ފުރުސަތުތަކާ ބެހޭ މައުލޫމާތު ވަރަށް ފުޅާކޮށް ފޯރުކޮށް ދޭނެ ކަމަށް ފުލުހުންގެ އިދާރާ އިން ބުންޏެވެ.
އައްޑޫގައި "ޕޮލިސް އޯޕަން ޑޭ" އެއް ބާއްވާ އިރު، ފުލުހުންގެ ވަޒީފާ އަށް ކުރިމަތިލުމުގެ ފުރުސަތު މި މަހުގެ 19 ވަނަ ދުވަހާ ހަމައަށް ވަނީ ހުޅުވާލައިފަ އެވެ.