އަމީތާބް ބައްޗަން އާއިލާއާ އެކު އޭނާގެ 75 ވަނަ އުފަން ދުވަސް މިއަދު ރާއްޖޭގައި ފާހަގަ ކުރަމުން އަންނަ އިރު، ބޮލީވުޑްގެ އެހެން ބަތަލާއަކު ވެސް މިހާރު އަންނަނީ ރާއްޖޭގައި ޗުއްޓީ ހަދަމުންނެވެ.
އެއީ "ކާބިލް" އާއި "ސަނަމް ރޭ" ފަދަ ފިލްމްތައް ކުޅެފައިވާ ޒުވާމް ބަތަލާ ޔަމީ ގޯތަމް އެވެ. އޭނާ ރާއްޖޭގައި ޗުއްޓީ ހޭދަ ކުރާ ރިސޯޓްގައި ނަގާފައިވާ ފޮޓޯތަކެއް އިސްޓަގްރާމްގައި ވަނީ ހިއްސާކޮށްފަ އެވެ.
ހިންދީ ފިލްމްތަކުގެ އިތުރަށް އިންޑިއާގެ އެހެން ބަސްބަހުން ވެސް ނެރޭ ފިލްމްތަކުގައި މަސައްކަތް ކުރާ ޔަމީ، 28، ބޮލީވުޑަށް ތައާރަފުވީ 2012 ގައި އަޔުޝްމަން ކްރާނާއާ އެކު ލީޑް ރޯލް ކުޅުނު "ވިކީ ޑޯނާ" އިންނެނެވެ.
ޔަމީ އެންމެ ފަހުން ފެނިގެން ދިޔަ ފިލްމަކީ އަމީތާބް ޓައިޓްލް ރޯލް ކުޅޭ ރާމް ގޯޕާލް ވަރްމާގެ ޕްރެންޗައިޒް "ސަރުކާރު 3" އިންނެވެ.