ޔާޝް ރާޖް ފިލްމްސް (ވައިއާރްއެފް) އިން އިއުލާން ކުރި ރިތިކް ރޯޝަނާއި ޓައިގާ ޝްރޮފް ލީޑް ރޯލް ކުޅޭ ފިލްމްގެ ބަތަލާއަކަށް ވާނީ ކަރޫރް ހަމަޖައްސައިފި އެވެ.
އަދި ވަކި ނަމެއް ދީފައި ނުވާ ފިލްމަށް ވާނީ ހަމަޖެއްސިކަން ވައިއާރްއެފްގެ ވެބްސައިޓްގައި މިއަދު ވަނީ ރަސްމީކޮށް އިއުލާންކޮށްފަ އެވެ. ވާނީ މިހާތަނަށް ކުޅެފައި ވަނީ ވެސް އެ ސްޓޫޑިއޯގެ ގެ ފިލްމެވެ. އެއީ ބޭފިކްރޭ (2016) އާއި ޝުދް ދޭސީ ރޮމޭންސް (2013) އެވެ.
ވާނީއާ ބެހޭ ގޮތުން އާ ފިލްމުގެ ޑައިރެކްޓަރު ސިދާތު އާނަންދު ބުނީ ފިލްމްގައި ހިމެނޭނީ އެންމެ ބަތަލާއެއް ކަމަށާއި ވާނީ ފެނިގެން ދާނީ ރިތިކްގެ ލޯބިވެރިޔާގެ ގޮތުގައި ކަމަށެވެ.
"ފިލްމަށް އަހަރެން ބޭނުންވީ ވަރަށް ޒުވާން ބަތަލާއެއް. ވާނީ ރޯލަށް ވަރަށް ބޮޑަށް ފިޓްވާތީ އޭނާ ނެގީ،" ބޭންގް ބޭންގް އާއި ސަލާމް ނަމަސްތޭ ފަދަ ފިލްމްތައް ގެނެސް ދިން ޑައިރެކްޓަރު ބުންޏެވެ.
ސިދާތު ބުނީ ވާނީ މިހާތަނަށް ކުޅުނު ދެ ފިލްމް ވެސް އޭނާ އަށް ވަރަށް ކަމުދިޔަ ކަމަށާއި ވާނީއަކީ އޭނާގެ ފިލްމަށް އެންމެ އެކަށީގެންވާ ބަތަލާ ކަމަށެވެ.
މި ފިލްމް ސިނަމާތަކަށް އަންނާނީ ޖެނުއަރީ 25، 2019 ގަ އެވެ.