ފެނަކަ ކޯޕަރޭޝަނުން ބިލްކޮށްގެން އައްޑޫ ރައްޔިތުންނަށް ދޭ ފެނުގެ ހިދުމަތް ނުހޯދުމަށް އައްޑޫ ރައްޔިތުންނަށް މޭޔަރު އަބްދުﷲ ސޯދިގް (ސޯބެ) މިރޭ ގޮވާލައްވައިފި އެވެ.
އިދިކޮޅު ޕާޓީތަކުން މިރޭ ހިތަދޫގައި ބޭއްވި ޖަލްސާގައި ސޯބެ ވިދާޅުވީ އެ ފެނަކީ އެހާ އަގު ބޮޑު އަދި ބޯން ވެސް ހެޔޮވާވަރުގެ ފެނެއް ނޫން ކަމަށެވެ.
މޭޔަރު ފާހަގަ ކުރެއްވި ގޮތުގައި ފެނަކަ އިން އައްޑު އަށް ފެނުގެ ހިދުމަތް ދޭން ނިންމާފައި ވަނީ އެ ހިދުމަތް މިހާރު ދޭ އެހެން ތަންތަނުން ނަގާ އަގަށް ވުރެ ތިން ގުނަ ބޮޑުކޮށް ކަަމަށެވެ. އެހެންވެ ރައްޔިތުން އެ ހިދުމަތް ނުހޯދަން އެދިވަޑައިގަންނަވާ ކަމަށް ވިދާޅުވި އެވެ.
އައްޑޫގެ ފެނުގެ ހިދުމަތަށް ފެނަކައިން މި މަހުން ފެށިގެން ބިލް ކުރަން ފަށާނެ އެވެ.