"ތުމާރީ ސްލޫ" އަކީ ވިދިޔާ ބާލަންގެ ފޭނުންނަށް އުފާވެރިކަން ގެނެސް ދޭނެ ފިލްމެއްކަމާ ދޭތެރޭ އެއްވެސް ޝައްކެއް ނެތެވެ. މި ފިލްމުގެ ފުރަތަމަ ޓްރެއިލާ ވެސް މިހާރު ދައްކާލާފައިވާ އިރު، އެއިން ފެންނަ ގޮތުގައި ފިލްމަކީ ވަރަށް މަޖާ އަދި އަސަރު ގަދަ ވާނެ ފިލްމެއް ކަމަށް ގަބޫލު ކުރެވެ އެވެ.
ހާއްސަކޮށް ޓްރެއިލާގެ ކުރީކޮޅު ވަރަށް މަޖަލެވެ. އެކަމަކު ފަހުކޮޅު ޖަޒްބާތީ އެވެ. "ތުމާރީ ސްލޫ" އަކީ ރޭޑިއޯ ޕްރޮގްރާމްތައް ހުށަހަޅަން ޝައުގުވެރިވާ ގެވެހި އަންބެއް/މްއެއްގެ ވާހަކަ ކިޔައިދޭ ފިލްމެކެވެ. ފިލްމް ޑައިރެކްޓްކޮށްފައި ވަނީ ސްރޭޝް ތުރިވޭނީ އެވެ.
"ޑާޓީ ޕިކްޗާ" އާއި "ކަހާނީ" ފަދަ ފިލްމްތަކުގައި ދައްކުވައި ދީފައިވާ މޮޅު އެކްޓިންއާ އެކު "ތުމާރީ ސްލޫ" އަކީ ވެސް ވިދިޔާގެ ވަރަށް ފުރިހަމަ އެކްޓިންއެއް ފެނިގެން ދާނެ ފިލްމެވެ. މި ފިލްމާ ބެހޭ ގޮތުން ވިދިޔާ ބުނީ ފިލްމަށް އޭނާ 200 ޕަސަންޓް ދީފައި ވާނެ ކަމަށެވެ.
"ވަރަށް ހިތްހަމަޖެހޭ ފިލްމާ ދޭތެރޭ،" ޓްރެއިލާ ލޯންޗް ކުރަން ބޭއްވި ހަފުލާގައި ވިދިޔާ ބުންޏެވެ.
"ތުމާސީ ސްލޫ" ސިނަމާތަކަށް އަންނާނީ އަންނަ މަހުގެ 17 ގަ އެވެ.