މި މަހުގެ ސްކޫލް ބަންދާ ދިމާކޮށް މޯލްޑިވިއަންގެ ބޮޑު ބޯޓްގެ ހާއްސަ ދެ ދަތުރެއް ސ. ގަމަށް ބާއްވާ ގޮތަށް މޯލްޑިވިއަން ނިންމައިފި އެވެ.
ގައުމީ އެއާލައިން މޯލްޑިވިއަން އިން ބުނީ ސްކޫލް ބަންދާ ދިމާކޮށް ގަމަށް ބޮޑު ފްލައިޓްގެ ދަތުރުތައް ބޭއްވުމަށް ހަމަޖެހިފައި ވަނީ މި މަހުގެ 22 އަދި 29 ގައި ކަމަށެވެ.
އެ ދެ ދުވަހު ބާއްވާ ދަތުރުތަކުގައި އެއްކޮޅު ޓިކެޓެއް ވިއްކާނީ މިހާރު ވެސް ނޯމަލް ފެއާގައި ޓިކެޓް ވިއްކާ ރޭޓުންނެވެ. އެއީ 1،728ރ. އެވެ. ދެކޮޅު ނަމަ 3،456ރ. އެވެ.
އެހެން ނަމަވެސް ފުރުމުގެ ތިން ދުވަސް ކުރިން ޓިކެޓް ނަގާ ނަމަ ކޮޅަކަށް ސްޕެޝަލް ފެއާގައި 999ރ. އަށް ޓިކެޓް ލިބޭނެ ކަމަށް މޯލްޑިވިއަނުން ބުންޏެވެ.