ޕާޓީ ޑްރަގްސް ޓެބްލެޓްތަކެއް ގަމުން އަތުލައިގެންފައިވާ ކަމަށް މޯލްޑިވްސް ކަސްޓަމް ސާވިސް އިން މިއަދު ބުނެފި އެވެ.
ކަސްޓަމުން މިއަދު ކުރި ޓްވީޓްތަކެއްގައި ބުނީ އަތުލައިގެންފައި ވަނީ 503 ޓެބްލެޓް ކަމަށާއި އެތަކެތީގެ ބަރުދަނުގައި 244.60 ގްރާމް ހުރި ކަމަށެވެ.
S. Gan Customs seizes 503.5 tablets, weighing 244.60grams while attempting to smuggle in a post parcel originated from Netherlands. (1/2) pic.twitter.com/KGQNDYeSNA
— Maldives Customs (@CustomsMv) October 16, 2017
މި ޓެބްލެޓްތަކަކީ ޕާޓީ ކުރަން ބޭނުން ކުރާ ޒާތުގެ ބާވަތެއް އެކްޓަސީއެއް ކަމަށް ތަހުލީލްތަކުން ދައްކާފައިވާ ކަމަށާއި އެ ތަކެތި މިހާރު ފުލުުހުންނާ ހަވާލުކޮށްފައިވާ ކަމަށް ވެސް ކަސްޓަމުން ބުންޏެވެ.
The initial examination of seized tablets was positive for a party drug type Ecstasy. The case has now been handed-over to the @PoliceMv.
— Maldives Customs (@CustomsMv) October 16, 2017
ކަސްޓަމުން ބުނީ މި ޓެބްލެޓްތަކަކީ ނެދަލެންޑުން ލިބުނު ޕާރުސަލެއްގެ ތެރެއިން ފެނުނު އެއްޗެހި ކަމަށެވެ. އެހެން ނަމަވެސް މި މައްސަލާގައި އަދި އެއްވެސް މީހަކު ފުލުހުންގެ ބެލުމުގެ ދަށަށް ގެންދިޔަ ކަމެއް ނޭނގެ އެވެ.
ޕާޓީ ޑްރަގްސް އައްޑޫން އަތުލައިގެންފައި މި ވަނީ ދާދި ފަހުން ހުޅުމާލޭގައި މި ބާވަތުގެ ޑްރަގް އެކުލެވޭ އެއްޗެއް ބޮއެގެން ދެ ޒުވާނަކު މަރުވި ކަމަށް އަޑު ފެތުރިފައި ވަނިކޮށެވެ. އަދި ރާއްޖޭގެ ސްކޫލްތަކުގައި ވެސް ޕާޓީ ޑްރަގްސް ދައުރުވާ ކަމުގެ އަޑުތަކެއް ފެތުރިފައިވެ އެވެ.