ރައީސް އަބްދުﷲ ޔާމީންގެ އަނބިކަނބަލުން އައްޑު އަށް ވަޑައިގަންނަވަން ހަމަޖެހިފައިވާތީ ޕީޕީއެމްގެ އެކި ގޮފިތަކުން އެކަމާ ގުޅޭ ތައްޔާރީތަކުގެ މަޝްވަރާތައް ފަށައިފި އެވެ.
ޕީޕީއެމް ފޭދޫ ގޮފިން މިއަދު އެ ޕާޓީގެ މެމްބަރުންނަށް ފޮނުވި މެސެޖެއްގައި ބުނީ މެޑަމް ވަޑައިގަންނަވާތީ އެކަމާ ބެހޭ ގޮތުން މަޝްވަރާ ކުރަން، ފޭދޫ މެމްބަރު އިބްރާހީމްދީދީ (އައިބީ)، ޕީޕީއެމްގެ އިސް ހަރަކާތްތެރިންނަށާއި އާންމު މެމްބަރުންނަށް ދައުވަތު ދޭ ކަމަށެވެ.
މި މަޝްވަރާ އޮންނާނީ ޕީޕީއެމް ފޭދޫ އޮފީހުގައި މިރޭ 8:30 ގަ އެވެ.
ހުޅުދޫގައި ވެސް އެ ޕާޓީގެ މެމްބަރުން އަންނަނީ ތައްޔާރީތަކާ ގުޅޭ ގޮތުން މަޝްވަރާ ކުރަމުންނެވެ.
އެނގިފައިވާ ގޮތުގައި މެޑަމް އައްޑު އަށް ވަޑައިގަންނަވަން ހަމަޖެހިފައި ވަނީ މި ހަފުތާ ބަންދާ ދިމާކޮށެވެ.
އިދިކޮޅު ޕާޓީތަކުން ހުކުރު ދުވަހުގެ ރޭ އައްޑޫގައި ބޭއްވި ޖަލްސާއެއްގައި ވަނީ މެޑަމް ފާތުންއާ ދެކޮޅަށް އައްޑޫ ރައްޔިތުން އިހުތިޖާޖަށް ނުކުތުމަށް ގޮވާލައިފަ އެވެ.