މޫނުގައި ބިހި: ހައްލުތައް މިހިރީ

1. ދަތް އުނގުޅާ ބޭސް

މިއީ އެކްނޭ އާއި ބިހީގެ ސަބަބުން ޖެހޭ ލަށްތައް ފިލުވުމަށްޓަކައި ބޭނުންކުރެވިދާނެ އެއްޗެކެވެ. އެގޮތުން ބިހީގެ މަތީގައި ކުޑަކުޑަ ބޭސްކޮޅެއް ރޭގަނޑު ނިދާއިރު ހާކާށެވެ. ހެނދުނު ހޭލާއިރު ބިހީގެ ސައިޒު ހުންނާނީ ކުޑަވެފައެވެ.

2. މާމުއި

މާމުއީ އަކީ އެކްނޭ ރަނގަޅު ކޮށްދޭ ޤުދުރަތީ ފަރުވާއެކެވެ. މާމުއީގެ ތަތްކަމަކީ ހަންގަނޑުގައި ހުންނަ މިލަ ނައްތާލަދޭ ކަމެކެވެ. އެކްނޭ މަތީގައި މާމުއި ތިއްކެއް ހާކާފައި ބެހެއްޓުމަށްފަހު އެއް ގަޑިއިރު ފަހުން ދޮވެލާށެވެ.

3. ލުނބޯ ހުތް

ލުނބޯ ހުތުގައި ހުންނަ އެކްސްފޯލިއޭޓިން މާއްދާތަކުގެ ސަބަބުން މޫނުގައި ނަގާ ބިހިތައް ވަރަށް އަވަހަށް ރަނގަޅުވެއެވެ. އެއްވަރަކަށް ލުނބޯ ހުތާއި ފިނިފެން އެއްޗަކަށް އެޅުމަށްފަހު އެއްކޮށްލާށެވެ. އެ ފެނުން ކަފަކޮޅެއް ތެއްމާލުމަށްފަހު އެކްނޭ ހުރި ސަރަޙައްދުގައި ހާކާށެވެ.

4. ލޮނުމެދު

ލޮނުމެދަކީ އޭގައި ހިމެނޭ އެންޓި-އިންފްލެމޭޓަރީ އަދި އެންޓިބައޮޓިކް މާއްދާތަކުގެ ސަބަބުން އެކްނޭ ރަނގަޅުކޮށްދޭ އެއްޗެކެވެ. އެއް ލޮނުމެދު ނޮޅާލުމަށްފަހު ބިހި މަތީގައި މަޑުމަޑުން ހާކާށެވެ. 15-20 މިނެޓަށް ބެހެއްޓުމަށްފަހު ދޮވެލާށެވެ. މިއީ އެކްނޭގެ ސަބަބުން ދުޅަވުމާއި ރަތްވުމަށް އޮތް ވަރަށް ރަނގަޅު ފަރުވާއެކެވެ.

5. ބިސް

ބިހަކީ އޭގައި އެކުލެވިގެންވާ އެމައިނޯ އެސިޑްސް އާއި ވިޓަމިންތަކުގެ ސަބަބުން ހަލާކުވެފައިވާ ސެލްތައް އަލުން ބިނާކޮށްދޭ އެއްޗެކެވެ. ތަށްޓަކަށް ބިހުގެ ހުދު ބައި އަޅާފައި ރަނގަޅަށް ގިރާލާށެވެ. އެއަށްފަހު ބޭނުންވާ ސަރަޙައްދުގައި ހާކާފައި ހިކެންދެން ބަހައްޓާށެވެ. މިގޮތަށް ހަތަރު ފަހަރު ހެދުމަށްފަހު ދޮވެލާށެވެ.

7. އެލޯ ވޭރާ ޖެލް

އެލޯ ވޭރާ ޖެލްގައި އެންޓި-ބެކްޓީރިއަލް މާއްދާތައް އެކުލެވިގެން ވެއެވެ. އެހެންކަމުން މިއީ އެކްނޭ އަށް އޮތް ރަނގަޅު ފަރުވާއެކެވެ. މީގެ އިތުރުން އެލޯ ވޭރާ އަކީ ހަންގަނޑަށް ފިނިކަން ގެނެސްދީ ބިހިތައް އިންފްލެމޭޓް ވުމުން ދުރުހެލިކޮށްދޭ އެއްޗެކެވެ.