ލޯންޗް ކުރުމުގެ ތެރޭގައި ހަލާކުވި ނާސާގެ ސްޕޭސް ސްޓޭޝަނެއް ސަލާމަތް ކުރުމުގައި އެހީތެރިވެދިން އެމެރިކާގެ އެސްޓްރޮނައުޓް ކަމަށް ޕޯލް ވެއިޓްސް މަރުވެއްޖެއެވެ.
އޭނާ މަރުވިއިރު އުމުރަކީ 85 އަހަރެވެ.
ސްޕޭސް ޝަޓަލް އެއް ކަމަށްވާ ޗެލެންޖާ ގައި ފަސްޓް ކޮމާންޑަރެއްގެ މަޤާމް އަދާކުރި ވެއިޓްޒް މަރުވެފައި ވަނީ އެރިޒޯނާގެ ފްލޭގްސްޓާފްގައި ހުންނަ އުމުރުން ދުވަސްވީ މީހުންގެ ހިޔާއެއްގަ އެވެ.
1966 ވަނަ އަހަރު ނާސާ އަށް ވަނުމުގެ ކުރިން ވެއިޓްޒް މަސައްކަތް ކުރީ ނޭވިއަލް އޭވިއޭޓާ އެއްގެ ގޮތުގައެވެ.
1973 އާއި 1979 އާއި ދެމެދު ދުނިޔެ ވަށައި ބުރުޖެހި އެމެރިކާގެ ސްޕޭސް ސްޓޭޝަން ކަމަށްވާ ސްކައިލެބްގެ ފުރަތަމަ މިޝަންގެ ޕައިލަޓަކީ ވެސް ވެއިޓްޒް އެވެ.
ވެއިޓްޒް ވަނީ 1983 ވަނަ އަހަރުގެ އޭޕްރީލް މަހު ޖައްވީ އުޅަނދެއް ކަމަށްވާ ޗެލެންޖާގައި ވެސް ޖައްވަށް ގޮސްފައެވެ. އެއިރު އޭނާގެ އުމުރުން 51 އަހަރެވެ.
70ގެ އަހަރުތަކުގައި އެޕޯލޯ ޕްރޮގްރާމް ކެންސަލް ނުކުރިނަމަ، ހަނދަށް ދިޔަ އެސްޓްރޮނައުޓުންގެ ތެރޭގައި ވެއިޓްޒް ވެސް ހިމެނޭނެ އެވެ.
ވެއިޓްޒް އުފަންވީ 25 ޖުލައި 1932 ގައެވެ.