އައްޑޫގެ ބައެއް މިސްކިތްތަކާއި ގަބުރުސްތާނުތައް ފޮޅައި ސާފުކޮށް ބަލަހައްޓައި ދޭނެ ފަރާތްތަކެއް ހޯދުމަށް އިސްލާމިކް މިނިސްޓްރީން ޖުލައި މަހު ކުރި އިއުލާނާ ގުޅިގެން ހުށަހެޅި އަގުތަށް ބޮޑުވެގެން އަލުން އިއުލާންކޮށް މިނިސްޓްރީން ބުނެފި އެވެ.
މި މަސައްކަތްކޮށް ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު މި މަހުގެ 31 ވަނަ ދުވަހާ ހަމައަށް ހުޅުވާލާފައިވާ ކަމަށެވެ. މީގައި ބައިވެރިވާން ނަން ނޯޓް ކުރުން އޮންނާނީ ހަމަ އެ ދުވަހު ހެނދުނު 8:30 އިން 2:00 އަށް މިނިސްޓްރީގެ އައްޑޫ ޔުނިޓްގައި އޮންނާނެ އެވެ.'
އިސްލާމިކް މިނިސްޓްރީން ބުނީ މިހާރު މިސްކިތްތައް ފޮޅައި، ސާފު ކުރުމުގެ މަސައްކަތް ޙަވާލުކޮށްފައިވާ ފަރާތްތަކަށް މީގައި ބައިވެރި ނުވެވޭނެ ކަމަށެވެ.
އައްޑޫގެ މިސްކިތްތަކާއި ގަބުރުސްތާންތައް ސާފުކޮށް ބަލަހައްޓާނެ ބަޔަކު ހޯދަން އިސްލާމިކް މިނިސްޓްރީން އިއުލާން ކުރި އިރު، މި މަސައްކަތް އެއް އަހަރު ދުވަހުގެ މުއްދަތަށް ކުރަން އެމްއާރްޑީސީއާ މިނިސްޓްރީން ވަނީ އެޕްރީލް 13، 2017 ގައި ހަވާލުކޮށްފަ އެވެ.
އެގޮތުން އައްޑޫގެ 39 މިސްކިތަކާއި ހަ ގަބުރުސްތާން އެ ކުންފުންޏާ ހަވާލުކޮށްފައިވެ އެވެ.