އައްޑޫގައި ބާއްވާ ސައުތު އޭޝިއަން ޓްރެވެލް އެވޯޑްސް (ސަޓާ) މާދަމާ ގަމުގެ އީކްއޭޓަ ވިލެޖްގައި ފެށުމުގެ އެންމެ ފަހުގެ ތައްޔާރީތައްވެއްޖެ އެވެ.
މި އެވޯޑް ހަފުލާ ކުރިއަށް ދާނީ މާދަމާ އިން ފެށިގެން އާދީއްތަ ދުވަހުގެ ނިޔަލަށެވެ. އެވޯޑަށް އީކްއޭޓާ މިހާރު ވަރަށް ބޮޑަށް ތައްޔާރުވެފައިވާ އިރު، ގަމާއި އައްޑޫގައި ގުޅިފައިވާ އަވަށްތަކުގައި ވަނީ ސަޓާ އިޝްތިހާރު ކުރަން ޒީނަތްތެރި ކުރަން ބައެއް ކަންކަންކޮށްފަ އެވެ.
ސަޓާ އަށް އައްޑު އަށް މިހާރު އަންނަނީ ރާއްޖެ އާއި ރާއްޖޭން ބޭރުގެ ޓޫރިޒަމް ދާއިރާގެ މީހުން އަންނަނަ ފަށާފަ އެވެ. އެނގިފައިވާ ގޮތުގައި އެ އެވޯޑަށް އައްޑު އަށް 200 އަށް ވުރެ ގިނަ މީހުން އަންނާނެ އެވެ.
ސަޓާ އެވޯޑްސްއަކީ ހައި ރައިޒު އިންތިޒާމްކޮށްގެން ބާއްވާ އިވެންޓެކެވެ. އަދި މިއީ އިވެންޓް އައްޑޫގައި ބާއްވާ ފުރަތަމަ ފަހަރެވެ.
އައްޑޫގައި އިވެންޓް މި ފަހަރު ބާއްވާތީ މިއާ ގުޅުވައިގެން އައްޑޫގައި ތަފާތު ހަރަކާތްތައް ހިންގާ ގޮތަށް ވަނީ ހަމަޖެހިފަ އެވެ.