އައްޑޫގެ ހިމާޔަތްކޮށްފައިވާ ހިތަދޫގެ އީދިގަލި ކުޅި އާއި ކޯއްޓޭ ސަރަހައްދު ހިމެނޭ ގޮތަށް ތަރައްގީ ކުރަމުން އަންނަ އިކޯ-ޓޫރިޒަމް ފެސިލިޓީ އަށް ބޭނުންވާ ވެހިކަލްތަކާއި އިކުއިޕްމަންޓްތައް ސަޕްލައި ކޮށްދޭނެ ފަރާތެއް ހޯދަން އެންވަޔަރަމަންޓް މިނިސްޓްރީން ބީލަމަށް ހުޅުވާލައިފި އެވެ.
އެ މިނިސްޓްރީން ނެރުނު އިއުލާނެއްގައި ބުނީ މިކަމަށް ޝައުގުވެރިވާ ފަރާތްތަކަށް ބީލަމުގައި ބައިވެރިވާން އަންނަ މަހުގެ މަހުގެ 6 ގެ ކުރިން ލިޔުމަކުން އެންގުމުން ރަޖިސްޓްރީކޮށް ދޭނެ ކަމަށެވެ.
މި މަސައްކަތަށް ހުށަހަޅާ ބީލަންތަކާއެކު ބީލަން ފޮތުގައި ބަޔާން ކުރާ ގޮތަށް "ބިޑް ސެކިޔުރިން ޑެކްލަރޭޝަން" ހުށަހަޅަން ޖެހޭނެ އެވެ. ޕަފޯމަންސް ސެކިޔުރިޓީގެ ގޮތުގައި ހުށަހަޅަން ޖެހޭނީ ކޮންޓްރެކްޓް އަގުގެ ފަސް ޕަސަންޓެވެ. އެޑްވާންސް ޕޭމަންޓްގެ ގޮތުގައި ކޮންޓްރެކްޓް އަގުގެ އެޑްވާންސް ޕޭމްންޓް ގެރެންޓީއެއް ހުށަހެޅުމުން ލިބޭނެ އެވެ.
ބީލަން ފޮތް ސޮފްޓްކޮޕީ ފޯމެޓްގައި މމިނިސްޓްރީގެ ވެބްސައިޓް www.environment.gov.mv އިން ޑައުންލޯޑް ކުރެވެން ހުންނާނެ އެވެ.
މިނިސްޓްރީން ބުނީ ޓްރައިސިކަލާއި ބަގީ، ޕެޑަލް ބޯޓާއި އިކުއިޕްމަންޓްސް އަދި ބައިސްކަލާއި ހެލްމެޓް ސަޕްލައި ކުރުމަށް ޝަރުތު ހަމަވާ، އެކަށީގެންވާ ތަޖުރިބާ ހުރި، އަދި މިފަދަ މަސައްކަތެއް ކުރުމުގެ ޤާބިލުކަން ލިބިފައިވާ ފަރާތްތަކަށް ބީލަން ހުށަހެޅުމުގެ ދަޢުވަތު ދޭ ކަމަށެވެ.
ބީލަން ހުޅުވުން އޮންނާނީ ޑިސެމްބަރު މަހުގެ 7 ގަ އެވެ.
އައްޑޫ އިކޯ-ޓޫރިޒަމް ޕްރޮޖެކްޓަކީ އެންވަޔަރަމަންޓް މިނިސްޓްރީ އާއި ޔޫރަޕިއަން ޔުނިއަންގެ ހިލޭ އެހީގައި ހިންގަމުންދާ ކްލައިމޭޓް ޗޭންޖް އެޑެޕްޓޭޝަން ޕްރޮޖެކްޓްގެ (ސީސީއޭޕީ) ގެ ބައެކެވެ.