ސްރީ ލަންކަން އެއާ ލައިންސާއި ލަންކާގެ ނަވަލޯކާ ހޮސްޕިޓަލް ގުޅިގެން އައްޑޫގައި މި މަހު ބާއްވާ މެޑިކަލް ކޭމްޕްގައި ޑޮކްޓަރުން ދައްކަން ބޭނުންވާ މީހުންނަށް އެޕޮއިންޓްމަންޓް ހެދުމުގެ ފުރުސަތު ހުޅުވާލައިފި އެވެ.
ސްރީ ލަންކަން އެއާލައިންސުން ބުނީ މެޑިކަލް ކޭމްޕް ކުރިއަށް ދާނީ މި މަހުގެ 13-15 އަށް ކަމަށާއި އެޕޮއިންޓްމަންޓް ހަދަން ގުޅަން ޖެހޭ ނަމްބަރަކީ 6888672 އަށެވެ.
ނަވަލޯކާގެ ހޮސްޕިޓަލްގެ ހަތަރު ޑޮކްޓަރު ގެނެސްގެން ކުރިއަށް ގެންދާ މެޑިކަލް ކޭމްޕްގައި ކޮންސަލްޓޭޝަން ދޭން ހަމަޖެހިފައިވާ ދާއިރާތަކުގެ ތެރޭގައި ޔޫރޮލޮޖީ/ކިޑްނީ ޓްރާންސްޕްލާންޓް، ނިއުރޮލޮޖީ، ގައިނޮކޮލޮޖީ އަދި އީއެންޓީ ހިމެނެ އެވެ.
ސްރީ ލަންކަން އެއާލައިންސުން ބުނީ ހިލޭ ކޮންސަލްޓޭޝަން ދޭ މި މެޑިކަލް ކޭމްޕް ހާއްސަ ކުރަނި އައްޑޫގެ އިތުރުން ފުވައްމުލަކާއި ހުވަދު އަތޮޅުގެ ރައްޔިތުންނަށް ކަަމަށެވެ. އިތުރު މައުލޫމާތު 7978966 އިން ލިބޭނެ އެވެ.