އައްޑޫގެ ހުރިހާ އަވަށްތަކަށް އަމާޒުކޮށްގެން ހިންގާ ސިލްސިލާ ޓްރެފިކް އޮޕަރޭޝަން "ދިވިލި މަތަ" ގެ ހަތް ވަނަ އޮޕަރޭޝަނުގައި 400 އަށް ވުރެ ގިނަ އުޅަނދު ބަލައި ފާސްކޮށްފި އެވެ.
އައްޑޫގައި މަސައްކަތް ކުރާ ހުރިހާ ފުލުހުންގެ ބައިވެރިވުމާއެކު ފޭދޫ، މަރަދޫފޭދޫ، މަރަދޫ، ހިތަދޫ، މީދޫ އަދި ހުޅުދޫގައި މިދިޔަ މަހުގެ 31 ވަނަ ދުވަހު ކުރިއަށް ގެންދިޔަ މި އޮޕަރޭޝަނުގައި 475 އުޅަނދެއް ބަލައި ފާސް ކުރި އެވެ.
މި އުޅަނދުތަކުގެ ތެރޭގައި ހިމެނެނީ ހަތަރު ފުރޮޅުލީ އިންޖީނުލީ އުޅަނދުގެ 120 އުޅަނދާއި ދެފުރޮޅުލީ އިންޖީނު އުޅަނދުގެ 349 އުޅަނދުގެ ހަތަރު ފުރޮޅުލީ އަދި ދެ ފޮރޮޅުލީ ބެޓަރީ ސައިކަލްގެ ހަ އުޅަނދެކެވެ. މި އޮޕަރޭޝަނުގައި ބަލައިފާސް ކުރި އުޅަނދުތަކުގެ ތެރެއިން ޤަވާއިދާ ޚިލާފުވި ހަ ފަރާތަކާ މެދު ފިޔަވަޅު އަޅާފައިވެ އެވެ.
"ދިވިލިމަތަ" ނަމުގައި ކުރިއަށް ގެންދާ މި ޓްރެފިކް އޮޕަރޭޝަނަކީ އެއްގަމު ދަތުރުފަތުރުގައި އުޅަނދުތައް ދުއްވަނީ ޤާނޫނާއި ޤަވާއިދާ އެއްގޮތަށްތޯ ބެލުމުގެ ގޮތުންނާއި އުޅަނދުތަކުގައި ފުރިހަމަ ކުރަން ޖެހޭ ކަންކަން ފުރިހަމަކޮށްފައިވޭތޯ ބެލުމާއި، މީގެ އިތުރަށް، މަގުމަތީގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން ހިންގަމުންދާ ސިލްސިލާ އޮޕަރޭޝަނެކެވެ.
އެގޮތުން މި އޮޕަރޭޝަނުގައި އައްޑޫގެ ހުރިހާ އަވަށެއްގައި ވެހިކަލް ޗެކްޕޮއިންޓްތައް ޤާއިމްކޮށްގެން، އުޅަނދުތަކުގެ އަހަރީ ފީ އާއި އިންޝުއަރެންސްއާއި ރޯޑްވާދިނަސްގ މުއްދަތު ހަމަވެފައިވޭތޯ އާއި ސްޓިކާ ހަރުކޮށްފައި ހުރިތޯ ބެލުމުގެ އިތުރުން ޓްރެފިކާ ގުޅުންހުރި އެހެން ވައިލޭޝަންތައް ބަލާފައިވެ އެވެ.